Miaśnikovič raskrytykavaŭ dziejnaść Minsielhascharča

Prem'jer-ministr Biełarusi Michaił Miaśnikovič raskrytykavaŭ dziejnaść Ministerstva sielskaj haspadarki i charčavańnia.

«Ekanomika haliny nie vytrymlivaje nijakaj krytyki», — zajaviŭ jon 30 studzienia na naradzie, na jakoj abmiarkoŭvalisia prahrama dziejańniaŭ ministerstva pa dasiahnieńni pakazčykaŭ sacyjalna-ekanamičnaha raźvićcia ŭ 2012 hodzie i zadačy na 2013 hod, paviedamiła pres-słužba ŭrada.

Miaśnikovič adznačyŭ, što 2011 hod «byŭ niadrennym» dla Minsielhascharča, adnak 11 z 16 daviedzienych pakazčykaŭ ministerstva nie vykanała, u tym liku pa pryciahnieńni inviestycyj u asnoŭny kapitał. Pavodle jaho słoŭ, struktura inviestpartfiela takaja, što značnuju jaho častku składajuć kredytnyja resursy nacyjanalnaj bankaŭskaj sistemy. «Kali siudy nie iduć inviestary, značyć prajekty nieefiektyŭnyja ci nizkaefiektyŭnyja, niecikavyja, — ličyć Miaśnikovič. — Toje, što robicca, robicca za košt dziaržprahram, i efiektyŭnaść ad hetaha cierpić».

Strymlivajuć raźvićcio haliny i daŭhi, adznačyŭ premjer. «Sabrana sistemnych abaviazacielstvaŭ, pavodle danych na 1 studzienia, na 60 trłn rubloŭ, u tym liku praterminavanych — prykładna 4,5 trłn, — skazaŭ kiraŭnik urada. — 

Navat kali čakanaja vyručka ŭ 2012 hodzie składzie prykładna 47–47,5 trłn, treba paŭtara hoda pracavać, ničoha pry hetym nie nabyvać i nie tracić».

Pavodle mierkavańnia prem'jer-ministra, Biełaruś maje značny patencyjał dla raźvićcia źniešnieekanamičnaj dziejnaści, u tym liku ŭ APK. Jość mahčymaści dla naroščvańnia ekspartu i skaračeńnia impartu. «Pažadana, kab vy konturna prapanavali, jak budzie skaračacca impart, asabliva pa plemiannoj spravie, upakoŭcy, vietprieparatach. Bo my majem svaju dobruju vietfabryku i pa-raniejšamu zavozim asnoŭnuju masu vietpreparataŭ», — skazaŭ jon. U cełym Minsielhascharč u 2012 hodzie pavinien zabiaśpiečyć zamiežnahandlovaje salda ŭ plus 1 młrd 755 młn dołaraŭ, nahadaŭ Miaśnikovič.

Krytykujučy Minsielhascharč za nieefiektyŭnuju pracu pa šerahu kirunkaŭ, kiraŭnik urada adznačyŭ, što pryčynaj «niekatorych niedachopaŭ» stanovicca zachapleńnie ministerstva pryvatnymi, biahučymi pytańniami, u toj čas jak ich mohuć vyrašać abłvykankamy i zacikaŭlenyja viedamstvy, pradpryjemstvy. «U hetaj situacyi niedastatkova ŭvahi nadajecca pierśpiektyŭnym pytańniam, jakija adnosiacca da vyklučnaj kampietencyi ministerstva, — kanstatavaŭ jon. — Akramia hetaha, adbyvajecca źmiešvańnie funkcyj haspadarčych subjektaŭ i dziaržavy, u vyniku my jakasna nie majem ni taho, ni druhoha».

Prem'jer-ministr zaklikaŭ čynoŭnikaŭ źviarnuć uvahu na prablemy ŭ małočnaj halinie krainy, žyviołahadoŭli, nadać uvahu stvareńniu kompleksaŭ dla zachoŭvańnia zbožža, bulby, pytańniam zabieśpiačeńnia pivavarnym jačmieniem.

Miaśnikovič zapatrabavaŭ ad Minsielhascharču kankretnych zachadaŭ pa pavyšeńni efiektyŭnaści haliny ŭ 2012 hodzie, z tym kab «arhanizavana ŭvajści ŭ 2013 hod i zabiaśpiečyć ustojlivuju ekanomiku sielskaj haspadarki».

• 0
• 0
• 0
• 0
• 0
• 0
• 0
• 0