Januš Palikot i jaho prychilniki vystupajuć za lehalizacyju ŭžyvańnia i zachoŭvańnia narkotykaŭ.
Polski deputat Januš Palikot pahražaŭ publična skuryć u pamiaškańni sojma cyharetu z marychuanaj, kab pryciahnuć uvahu hramadskaści da prablemy lehalizacyi lohkich narkotykaŭ.
Adnak zamiest hetaha tolki padpaliŭ aramatyčnyja pałački.
Januš Palikot i jaho prychilniki vystupajuć za lehalizacyju ŭžyvańnia i zachoŭvańnia narkotykaŭ. Pradstaŭleny na razhlad sojma jaho partyjaj zakonaprajekt praduhledžvaje biespakaranaje zachoŭvańnie až da 50 h kanabisa, 1 h amfietaminu, kakainu i ekstazi. Zachoŭvańnie nie bolš za 1 h hierainu taksama nie budzie ličycca złačynstvam.
Pa słovach ekscentryčnaha deputata, užyvańnie marychuany — nie takaja ŭžo škodnaja sprava. Parłamientaryj ličyć, što
lehalizacyja lohkich narkotykaŭ pryviadzie da doŭhačakanaj libieralizacyi Polščy.
Demarš palityka vyklikaŭ aburanaść z boku śpikiera parłamienta Jevy Kapač, jakaja paabiacała nie dapuścić parušeńnia zakona i paskardziłasia na kalehu ŭ prakuraturu.
U krasaviku polskija ŭłady źmiakčyli antynarkatyčnaje zakanadaŭstva, dazvoliŭšy pravaachoŭčym orhanam vyrašać, zavodzić ci nie kryminalnuju spravu suprać asobaŭ, zatrymanych ź nievialikaj kolkaściu narkatyčnych rečyvaŭ. Adnak zachoŭvańnie narkotykaŭ niezaležna ad ich kolkaści ŭ krainie dahetul zabaroniena.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary