Fotafakt: Juryj Čyž nosić hadzińnik daražejšy za $400 tysiač
Płacinavy Ulysse Nardin maje abmiežavany vypusk — usiaho 30 ekziemplaraŭ.
Supierdarahi hadzińnik biźniesmien Juryj Čyž «zaśviaciŭ» u časie pasiadžeńnia vykankama Biełaruskaj fiederacyi futbołu.
Hledziačy pa ŭsim, biźniesoviec nosić hadzińnik Circus Minute Repeater (749-80) (firmy Ulysse Nardin) z płacinavym korpusam, cyfierbłatam z čornaha oniksu i biełaha zołata i ramieńčykam sa skury alihatara z płacinavaj ustaŭkaj. Abo tańniejšy na $30000 Circus Minute Repeater (740-88).Roźnica ŭ košcie tłumačycca tym, što ŭ hetaj madeli cyfierbłat vyrableny ź siniaha avanturynu, a ŭ ramieńčyku prysutničaje ŭstaŭka nie z płaciny, a ź biełaha zołata.
Juryj Čyž — adzin z samych bahatych biźniesoŭcaŭ Biełarusi.
Jahonaje TAA «Trajpł» zajmajecca budaŭnictvam, a taksama pierapracoŭkaj i prodažam naftapraduktaŭ. Čyž taksama vałodaje restarannym biźniesam i vytvorčaściu hazavanych napojaŭ, vytvorčaściu budmateryjałaŭ i futbolnym kłubam.Naradziŭsia jon pad Biarozaj, častka jahonaj siamji vyznaje pratestantyzm, i dahetul maje suviaź z małoj radzimaj. Pačynaŭ jon karjeru ŭ śfiery mašynabudavańnia, biznesam staŭ zajmacca ŭ 90-ja.
Pamier bahaćcia Juryja Čyža dakładna vyznačyć niemahčyma. Jon naležyć da niešmatlikaha koła bahatych ludziej krainy, nabližanych da Łukašenki.
Nazyvać ich aliharchami niekarektna, bo jany nie majuć nijakaj ułady i całkam zaležać ad kiraŭnika krainy.
Što ŭjaŭlaje saboj Circus Minute Repeater?
Pryviadziom karotkaje apisańnie madeli z avanturynam u korpusie, raźmieščanaje na adnym z sajtaŭ, pryśviečanych hadzińnikam. «Animavanaja kampazicyja, jakaja ŭjaŭlaje saboj cyrkavuju arenu, ŭpryhožvaje błakitny avanturynavy cyfierbłat hetaha ekskluziŭnaha hadzińnika. Kožnaja z šaści fihurak ŭručnuju filihranna vyrazanaja z zołata. Pry zapusku miechanizma chvilinnaha repietyra małpačka sprabuje złavić miačyki, jakimi žanhluje błazan, — hetyja ruchi supravadžajuć boj hadzińnika. Dresiroŭščyk razmachvaje bizunom pierad tyhram — adbyvajecca boj čverciaŭ hadziny. Tyhr razmachvaje łapaj u takt boju chvilin. Miadźviedź kłaniajecca balarynie na praciahu ŭsiaho času, pakul pracuje miechanizm boju».
Zastajecca dadać, što hadzińniki hetych madelaŭ, a taksama viersija z korpusam z ružovaha zołata, adnosiacca da limitavanych sieryj.
Usiaho takich hadzińnikaŭ u kožnaj z troch viersij vyrablena pa 30 ekziemplaraŭ.
Pa canie hadzińnik Čyža ŭvachodzić u TOP_25 samych darahich hadzińnikaŭ śvietu.
Špijonka jak tvar šviejcarskaj kampanii
Cikavaja detal: tvaram šviejcarskaj kampanii ŭ Maskvie ŭ 2010 hodzie stała skandalna viadomaja rasijskaja špijonka Hanna Čapman. Pieršy bucik, raźmieščany ŭ dvuch krokach ad Krasnaj płoščy, jana adkryvała razam z ułaśnikam šviejcarskaj kampanii Rolfam Šnajderam.
Ścipłyja Łukašenki
Raniej u kadr fotareparcioraŭ trapili hadzińniki Alaksandra Łukašenki i jaho starejšaha syna Viktara. Vyśvietliłasia, što kiraŭnik krainy nosić šviejcarskija hadzińniki Patek Philippe. Jahony Patek Philippe Calatrava 5120j kaštuje 11 tysiač jeŭra, a Patek Philippe Calatrava Ref. 5119j — kala $14 tysiač.
U Viktara Łukašenki na rucie zaŭvažyli hadzińnik toj ža firmy, što i ŭ Čyža — New Ulysse Nardin Dual Time. Tolki kaštuje jon u dziasiatki razoŭ, a to i ŭ sotniu tańniej — ad $4700 da 6800.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie5
Kamientary