List z turmy: «Usia nadzieja — na mižnarodny trybunał»
Apošnim časam možna pračytać u niezaležnaj presie, jak niekatoryja zachodnija palityki ličać, što narod Biełarusi sam pavinien źmianić situacyju ŭ krainie ŭ bok demakratyi.Pry tym uviedzienyja Złučanymi Štatami i Jeŭrasajuzam palityčnyja i ekanamičnyja sankcyi suprać režymu Łukašenki nie viartajuć apošniaha ŭ pravavoje pole. Pra heta śviedčyć toj fakt, što za kratami i ŭ kałonijach Biełarusi praciahvajuć zastavacca palityčnyja źniavolenyja i viaźni sumleńnia pa sfalsifikavanych złačynstvach.
Akramia taho, na zakrytych siesijach parłamientam Biełarusi prymajucca zakonaprajekty, jakija staviać pad pahrozu žyćcio i svabodu zvyčajnych hramadzian u vypadku ich niełajalnaści da isnaha režymu. U suviazi z hetym Kamitet mižnarodnaha kantrolu za situacyjaj z pravami čałavieka ŭ Biełarusi zapatrabavaŭ prypynić siabroŭstva Biełarusi ŭ Arhanizacyi pa biaśpiecy i supracoŭnictvie ŭ Jeŭropie paśla pryniaćcia parłamientam Biełarusi novych zakonaprajektaŭ, što niasuć pahrozu biaśpiecy zvyčajnych hramadzian.
Takim čynam, dumka niekatorych zachodnich palitykaŭ pra toje, što narod Biełarusi sam pavinien źmianić situacyju, sfarmavanaja biez uliku livijskaha scenaru, dzie achviary siarod mirnaha nasielnictva zdarylisia mienavita praz takuju dumku. Uličvajučy trahičny ŭrok Livii — achviary siarod prostych livijskich hramadzianaŭ — siońnia niemahčyma prosta nazirać, jak dyktatarskija režymy zžyrajuć demakratyčnyja kaštoŭnaści i čakać punktu nieviartańnia.
U śviecie isnujuć bolš cyvilizavanyja pracedury.Naprykład, tyja, što ŭvachodziać u kampietencyju Mižnarodnaha trybunała, vysokija pryjarytety jakoha nakiravanyja na abaronu ad hienacydu i złačynstvaŭ suprać čałaviectva. Śfiera ŭpłyvu Mižnarodnaha trybunała jurydyčna zabiaśpiečanaja pravam na previentyŭnaje papiaredžańnie ŭklučeńniem u rabotu nieabchodnych pracedur u vypadku mahčymaj pahrozy z boku ŭłady dla žyćcia i svabody hramadzian asobna ŭziataj krainy. Taki padychod budzie sadziejničać umacavańniu miru, pavazie pravoŭ i svabod čałavieka, adkaznaści ŭładaŭ pierad svaimi hramadzianami i dazvolić paźbiehnuć čałaviečych achviar, nie davodziačy situacyju da skrajnaści.
Maralny punkt nieviartańnia ŭ ciapierašniaj Biełarusi projdzieny, i ŭsia nadzieja — na Mižnarodny trybunał.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary