Pazačarhovy źjezd respublikanskaha hramadskaha abjadnańnia «Biełaja Ruś», na jakim płanavałasia razhledzieć pytańnie pieraŭtvareńnia arhanizacyi ŭ palityčnuju partyju, sioleta nie adbudziecca. Pra heta BiełaPAN paviedamiŭ namieśnik staršyni abjadnańnia deputat Pałaty pradstaŭnikoŭ Alaksandr Šaćko.
«Pakul vyrašyli ŭziać paŭzu», — adznačyŭ jon.
Nahadajem, u vieraśni Šaćko zajaviŭ, što pazačarhovy źjezd moža prajści ŭ śniežni. Pra nieabchodnaść pieraŭtvareńnia abjadnańnia ŭ partyju zajaŭlali jak u kiraŭnictvie arhanizacyi, tak i ŭ nizavych strukturach. 5 kastryčnika adbyłosia pasiadžeńnie respublikanskaha savieta «Biełaj Rusi», na jakim abmiarkoŭvalisia prajekty statutu i prahramy budučaj palityčnaj partyi.
Pavodle źviestak sajta «Biełaj Rusi», na 1 vieraśnia 2011 hoda kolkasny skład arhanizacyi naličvaŭ 2,1% pracazdolnaha nasielnictva Biełarusi, ci 123.297 čałaviek. Kolkaść piarvičnych arhanizacyj — 6.797.
Staršynioj RHA «Biełaja Ruś» źjaŭlajecca pieršy namieśnik kiraŭnika Administracyi prezidenta Alaksandr Radźkoŭ.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada31
Kamientary