Bo nie pryznaŭ svaju vinu ŭ arhanizacyi masavych biesparadkaŭ 19 śniežnia 2010 h.
Kiraŭnictva śpieckamiendatury, dzie adbyvaje pakarańnie sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) i kiraŭnik vybarčaha štaba kandydata ŭ prezidenty na vybarach 2010 hoda Vitala Rymašeŭskaha Pavieł Sieviaryniec, admoviła jamu ŭ zamienie režymu.
Jak paviedamiŭ Sieviaryniec, kiraŭnictva śpieckamiendatury № 7 u vioscy Kuplin Pružanskaha rajona (Bresckaja vobłaść) paviedamiła, što pryniata rašeńnie admović jamu ŭ zamienie režymu adbyvańnia pakarańnia (z adbyvańnia ŭ papraŭčaj ustanovie adkrytaha typu na «chatniuju chimiju»).
Pavał Sieviaryniec adbyŭ užo tracinu terminu, nie maje spahnańniaŭ, i, zhodna z zakanadaŭstvam, jamu moža być zamienieny režym adbyćcia pakarańnia.
Bolš taho, 27 kastryčnika atestacyjnaja kamisija pryznała, što Sieviaryniec «staŭ na šlach vypraŭleńnia».Heta značyć, pakarańnie jamu mahło być zroblena bolš miakkim sa znachodžańnia va ŭstanovie adkrytaha typu na adbyvańnie pakarańnia pa miescy žycharstva.
«Zvyčajnyja» chimiki «praz paru tydniaŭ paśla takoj atestacyi jeduć dadomu z umovami abaviazkovaha pracaŭładkavańnia i znachodžańnia z 22.00 da šaści ranicy doma», — skazaŭ Sieviaryniec.
Ale palityk nie pryznaŭ svaju vinu ŭ arhanizacyi masavych biesparadkaŭ 19 śniežnia 2010 h.
«Farmalna heta i stała pryčynaj rašeńnia nie źmianiać mnie režym. Jak mnie skazali ŭ niefarmalnaj hutarcy: «Vy ŭziali hety kryž — dyk i niasicie jaho», — zajaviŭ Sieviaryniec.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony1
Kamientary