Zatoje ministerstva maŭčyć, jak vadu ŭ rot nabraŭšy, kali havorka idzie ab pravach hramadzian.
Ministerstva justycyi ŭ čarhovy raz prajaviła asablivaje starańnie. Jano zapatrabavała ŭ Biełaruskaha Chielsinkskaha kamiteta (BCHK) «tłumačeńni» z nahody raspaŭsiudžvańnia «niedastaviernaj» infarmacyi ab advakatach.Reč u tym, što, kali advakaty Hanna Bachcina i Darja Lipkina nie prajšli pieraatestacyi ŭ terytaryjalnaj instancyi, BCHK raspaŭsiudziŭ infarmacyju ab tym, što advakatak pazbaŭlajuć prava pracavać. Pravaabaroncy byli peŭnyja, što mienavita tak budzie raźvivacca situacyja. Reč u tym, što Bachcina i Lipkina aktyŭna abaraniali asudžanych za Płošču — Mikitu Lichavida i Irynu Chalip. A raniej piać inšych advakataŭ «palityčnych» stracili licenzii.
Śviet aburyŭsia, i ŭ vyniku Miniust advakatak pieraatestavaŭ. Bolš za toje, Ministerstva zapatrabavała ad BCHK «raźmiaścić na svaim sajcie praŭdzivuju infarmacyju».
U Miniuście taksama adznačyli, što «ličać niedapuščalnym, kali respublikanskaje hramadskaje abjadnańnie, što pazicyjanuje siabie jak abaronca pravoŭ čałavieka ŭ Biełarusi, raspaŭsiudžvaje nieabjektyŭnuju infarmacyju, jakaja ŭvodzić u zman hramadzian krainy, a taksama struktury AAN».
Viadoma ž, Miniust maŭčyć jak vady ŭ rot nabraŭšy, kali ŭ krainie parušajucca pravy hramadzian na svabodu słova ci schodu. I raspaŭsiudžvańnie «niedastaviernaj» infarmacyi pra budučuju devalvacyju viedamstva ministra Hałavanava nie ŭsturbavała. Choć u vyniku ludzi stracili svaje aščadžeńni, užo nie kažučy pra škodu mižnarodnaj reputacyi krainy.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty6
Kamientary