Brat-lekar vyzvalaje siastru ź labaratoryi, dzie pravodziacca vajskovyja eksperymenty pa telepatyi. Uciekačy chavajucca na pirackim karabli, ale pa śladach čaŭnaka idzie biaźlitasny ahient Aljansu — a ŭ kosmasie panujuć dzikuny-pajadalniki.
Brat-lekar vyzvalaje siastru ź labaratoryi, dzie pravodziacca vajskovyja eksperymenty pa telepatyi. Uciekačy chavajucca na pirackim karabli, ale pa śladach čaŭnaka idzie biaźlitasny ahient Aljansu — a ŭ kosmasie panujuć dzikuny-pajadalniki.
«Misija «Serenici» — uzorny film katehoryi «B», ale pastaŭleny ź vialikim biudžetam. U karcinie jość volnalubivyja piraty i «kaśmičnyja vertykalščyki», muryn-samuraj, prahramavańnie psychiki, kitajskija pieśni, zakachanyja robaty, karate da adklučki i zastolnyja kanibały.
Stužka sabrała ŭsie mahčymyja štampy fantastyčnaha kino — ad «Zorkavych vojnaŭ» da «Sabaki-pryvida». Ale mienavita paznavalnaść kliše, naiŭny siužet i adčuvalny biudžet zrabili filmu šalonuju kasu.
Laskat zarkalotaŭ, kałacilnia ŭ sałunie (Samer Hłaŭ — rubon!), iržavaja kaśmičnaja technika na bajavoj aperacyi — usio heta ŭžo było ŭ samym tannym kino, ale čamu b na hetych scenkach nie adpačyć?
Režyser Džon Uedan («Bafi — źniščalnica vampiraŭ»), kaniečnie, nia Stenli Kubryk, ale tavar «Serenici» j nie pretenduje na aŭtarskaje kino.
Misija pirataŭ-telepataŭ — zmahacca z «kaśmičnymi vertykalščykami» da poŭnaha praryvu infarmacyjnaj blakady — i da kančatkovaha spustašeńnia hladackich hamancoŭ.
Film nie nastolki kiepski, kab być talenavitym, — i nie nastolki dobry, kab pra jaho pramaŭčać.
❏
Misija «Serenici» («Serenity»)
ZŠA, 2005, 119 chv.
Žanr: kaśmičnyja pryhody.
Adznaka: 5 (z 10).
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary