Siońnia a 18‑aj hadzinie, u Nacyjanalnym mastackim muzei raspačniecca Kaladnaja viečaryna.
Siońnia, 29 śniežnia, a 18‑aj hadzinie, u Nacyjanalnym mastackim muzei Biełarusi raspačniecca Kaladnaja vystava. Heta jašče adzin prajekt fundataraŭ z «British American Tobacco» takoha kštałtu ŭ hałoŭnaj mastackaj skarbnicy krainy. Pieršym dośviedam Kaladnych imprezaŭ stali «Zimovyja hulni», vystava‑feejeryja, napiaredadni 2005 hodu. Nietradycyjny festavy padychod zabiaśpiečyŭ tady vialikuju cikavaść da hetaje padziei ŭ staličnaj publiki, pieradusim u dziaciej.
Sioletniaja vystava, jak i papiaredniaja, abjadnoŭvaje chieŭru roznych tvorcaŭ, źmiešvaje žanry j vidy mastactva ŭ vadno: karciny susiedziać z fatahrafijaj, instalacyi ź lalkami, skulptura z dyzajnam. Hetym razam tematyčna jany źnitavanyja ŭjaŭnym špacyram praz usie znajomyja miaściny stalicy našaje Biełarusi. Naohuł, jak na dumku stvaralnikaŭ ekspazycyi, Miensk nikoli nia byŭ prastoraju kazki. Niby j nia pišucca kazki pra naš horad. Dakładniej, ciapierašniaja maładaja henieracyja chutčej znojdzie zhadki pra Miensk u Konan‑Dojła, Henry Millera j ŭžo peŭna ŭ «Hary Potery» Džaany Roŭlinh, čym budzie čytać biełaruskija teksty, što składajuć cełuju klasyčnuju biblijateku ramantyčnych, kazačnych i falklornych tekstaŭ pra naš horad. Tamu, novaja henieracy prapanuje svaju, druhuju ŭžo versiju biełaruskaje mitalohii XXI stahodździa... Na vystavie buduć pakazanyja tvory Hanny Bałaš, Alaksandra Ddziamidava, Śviatłany Damanavaj, Andreja Astašova, Ireny Hudzijeŭskaj, Juryja Kruša, Natalli Vierabjovaj, Vasila Matuseviča, Julii Matusevič, Natalli Pinievič, Łarys Milko dy inšych.
Kalady — samy čas, kab rasčynić u pradčuvańni cudaŭ vočy j nastavić vušy, azirucca, usłuchacca, vyčuć hetak znajomy horad pa‑inšamu, ubačyć Druhi Miensk.
Vystava praciahniecca da 20 studzienia
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary