U paraŭnańni ź minułym tydniem dałučylisia novyja harady — Bychaŭ, Biarozaŭka, Staryja Darohi, Niaśviž, Hłybokaje, Hancavičy...
Narodnyja hulańni 22 červienia adbylisia ŭ dziasiatkach nasielenych punktaŭ Biełarusi. U paraŭnańni ź minułym tydniem dałučylisia novyja -- Bychaŭ, Biarozaŭka (Lidski rajon), Staryja Darohi, Niaśviž, Hłybokaje, Hancavičy... Ludzi ŭ čarhovy raz adhuknulisia na zaklik źbiracca na centralnych płoščach haradoŭ kožnuju sieradu, a 19-j hadzinie, pakul u krainie nie adbuducca palityčnyja i ekanamičnyja pieramieny.
Tam, dzie Płoščy byli ačepleny, sabrać infarmacyju pra kolkaść zatrymanych ciažka. A voś tam, dzie dostup na Płoščy byŭ, kolkaść udzielnikaŭ vyrasła ŭ siarednim prykładna ŭdvaja. Tak, u Kobrynie minuły raz vyjšła 25 čałaviek, ciapier — 60. U Biarozie 50 proci dziesiaci. U Maładziečnie — 200 proci 120, Śvietłahorsku — 60 proci 30. U toj ža čas u Mazyry, Navapołacku, Połacku kolkaść udzielnikaŭ nie vyrasła (60—100 čałaviek).
Kala 150 čałaviek vyjšła na centralnuju płošču Pinska.
250 čałaviek demanstravała ŭ Baranavičach, ad 500 da 1000 — u Breście.
Dziasiatki čałaviek vyjšli na płošču ŭ Słonimie, prykładna kala 70 — Vaŭkavysku. Trochi bolš za sotniu hulała ŭ Lidzie.
U Hrodnie pratest nabyŭ siurrealistyčny charaktar: pad huki arkiestru, pad pryniesienymi BRSMam čyrvona-zialonymi ściahami moładź adkazała 3-chvilinnymi apładysmientami na sproby zatrymańnia zdymačnaj hrupy.
Ad 700 da 1000 čałaviek vyjšła na Płošču ŭ Homieli. Prykładna 350 — u Mahilovie.
Jość infarmacyja, što ludzi vychodzili na Płoščy taksama ŭ Dziaržynsku, Smalavičach, Žodzinie, Słucku (šmatlikija zatrymańni), Salihorsku, Barysavie (šmatlikija zatrymańni), Oršy, Žłobinie, Babrujsku, Vilejcy, Łahojsku, Bychavie, Pružanach, Navahrudku, Stolinie, Čačersku, Miorach, Škłovie, Marjinaj Horcy, Bierazinie, Kalinkavičach, Asipovičach, Biełaaziorsku, a taksama va ŭsich abłasnych centrach.
Biesprecedentna ŭžo toje, što ŭ małych haradach dziasiatki ludziej demanstrujuć svajo žadańnie pieramien.
Heta taksama pakazvaje stupień bolu ŭ hramadstvie, i niezadavolenaści palityčnym i ekanamičnym ładam.
Ludzi, jakija vychodziać u rehijonach, śviadomyja taho, što ich mohuć zatrymać, zvolnić, zanieści ŭ čornyja śpisy, i ŭsio ž vychodziać.
Pratesty nidzie nie nabyli hvałtoŭnaha charaktaru. Niahledziačy na zatrymańni i inšyja sproby zastrašvańnia, siarod manifiestantaŭ panavaŭ handyscki duch.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha6
Kamientary