Raźmiaščeńnie akcyj na biržy - biezumoŭna najlepšy mietad pryvatyzavańnia bujnych raźvitych dziaržaŭnych kampanij i pryciahnieńnia inviestaraŭ
Kampanii, čyje akcyi abaračajucca na biržy, pryniata nazyvać «publičnymi». Birža dapuskaje akcyi da tarhoŭ tolki pry ŭmovie, što ich kampanija-emitent vykonvaje standarty, jakija zabiaśpiečvajuć patencyjnym inviestaram mahčymaść zrabić vysnovy pra jaje finansavy stan, vytvorčuju dziejnaść, karparatyŭnaje kiravańnie. Viadoma, ludzi kuplajuć akcyi dla taho, kab atrymlivać dyvidendy ź ich albo zarabić na roście cany hetych akcyj.
Pieršasny vyvad akcyj kampanii na biržu — heta nie adnarazovy krok i nie tolki mahčymaść pradać častku kapitała kampanii inviestaram. Kampanija pavinna praduhledžvać mahčymaść dadatkovych raźmiaščeńniaŭ novych vypuskaŭ svaich akcyj u budučyni (SPO), a taksama mahčymaść pryciahnieńnia zajomnych srodkaŭ praz vypusk ablihacyj. Dla hetaha inviestar, jaki kupiŭ akcyju, pavinien być upeŭnieny, što kali jon zachoča jaje pradać, jon zmoža jaje pradać.
Adnojčy vyjšaŭšy na biržu, kampanija musić pastajanna kamunikavać z svaimi dziejnymi i patencyjnymi inviestarami, rehularna davać spravazdačy pa biahučych spravach, publikavać pravieranyja aŭdytarami finansavyja vyniki dziejnaści.Pra jakuju adkrytaść dla inviestaraŭ moža iści razmova ŭ vypadku, naprykład, sa zhadanym siońnia ŭ suviazi ź niby pieršym u Biełarusi IPO Barysaŭskim zavodam miedyčnych preparataŭ, kali na jahonym sajcie niama navat finansavaj spravazdačnaści (dy navat i samaj bazavaj finansavaj infarmacyi)? Na bazie čaho inviestar pavinien prymać rašeńnie nabyć akcyi ŭ hetym zavodzie — na asnovie niejkich pustych troch abzacaŭ?
Na sajcie BiełaruskajToje, što pra bolšaść ź ich ničoha nie viadoma — lišnie kazać. Jaki ŭvohule sens im tam znachodzicca? Dzie masavy inviestar u hetyja kaštoŭnyja papiery, kamu jany tam patrebnyja? Patłumačcie mo'?valutna-fondavaj biržy pradstaŭleny śpis akcyjaŭ užo bolš jak dźviuch tysiač biełaruskich kampanij, jakija dapuščanyja da tarhoŭ.
Nasamreč było b sapraŭdy dobra, kab akcyi maleńkich biełaruskich kampanij mahli abaračacca na maleńkaj biełaruskaj biržy, da jakoj vielmi prosty dostup mieli b prostyja biełarusy. Birža moža być vydatnym srodkam pryvatyzacyi dziaržaŭnaj majomaści — kali prafiesijanalna padychodzić da spravy.
Birža - biezumoŭna najlepšy mietad pryvatyzavańnia dla bujnych raźvitych dziaržaŭnych kampanij i pryciahnieńnia inviestaraŭ da ich.Na mižnarodnyja biržy daŭno vyviedzienyja rasijsikija «Hazprom», «Rośniefť» i kazachstanski «Kazmunajhaz». Publičnaje raźmiaščeńnie — jak znak jakaści i dla inviestaraŭ, i dla supracoŭnikaŭ, i dla ŭsioj hramadskaści. Pry raźmiaščeńni akcyj tut klučavuju rolu hraje birža: jakaja birža, taki i nabor inviestaraŭ. Biełaruskaja fondavaja birža maje adno koła inviestaraŭ. Na hetym fonie jość, skažam, rasijskaja MMVB, dzie koła inviestaraŭ značna šyrejšaje. Ci tym bolš Varšaŭskaja WSE, jakaja ŭpeŭniena robicca hałoŭnaj biržavoj placoŭkaj ŭ Centralnaj i Ŭschodniaj Jeŭropie i dzie tarhujecca proćma ŭkrainskich, naprykład, kampanij. Nie kažučy ŭžo pra jakijaś biržy Łondanskuju ci Frankfurckuju.
Daŭno pavinny byli być vyviedzienyja na zachodniuju biržu toj ža «Biełaruśkali» ci biełaruskaja naftapierapracoŭka. Chutčej za ŭsio tady dziaržava mahła b atrymać šmat bolš hrošaj za ich pryvatyzacyju.Ale dla hetaha daviałosia b ukłaścisia ŭ pryviadzieńnie ich dziejazdolnaści da narmalovaha ŭzroŭnia (znajučyja siabry paru hadoŭ tamu z žacham kazali, što buchhałtarski ŭlik na niekatorych fłahmanach biełaruskaj pramysłovaści dahetul viadziecca ŭ ambarnych knihach
- Ale tady nie byli b mahčymymi kułuarnyja nieprazrystyja pieramovy ab ich prodažy
- Ale tady daviałosia b realna kłapacicca pra doŭhaterminovuju inviestycyjnuju pryvabnaść krainy i rabić realnyja reformy ŭ ekanomicy. Pryčym pačynać ich nie ŭ druhoj pałovie
- Ale tady… nu vy zrazumieli.
Sapraŭdnaje IPO kampanii, źviazanaj ź Biełaruśsiu, — heta mahčymaje raźmiaščeńnie EPAM, miarkujučy pa ŭsim, na ńju-jorckaj technałahičnaj biržy NASDAQ. Akramia taho, na varšaŭskaj biržy raźmieščanaja Silvano Fashion Group — estonskaja chołdynhavaja kampanija, jakoj naležyć znakamitaja «Miłavica». Jak vy mahli zaŭvažyć, nivodnaja z hetych kampanij užo nie moža być nazvana całkam biełaruskaju.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary