U toj ža čas impartnyja tavary padaražejuć.
Ekanamist Źmicier Kruk vykazaŭ svajo razumieńnie rekamiendacyi Nacyjanalnaha banka, jaki faktyčna ŭvioŭ množnaść kursaŭ valuty ŭ Biełarusi.
Źmicier Kruk:
Nacbank lehalizavaŭ situacyju, jakaja ciapier utvaryłasia na valutnym rynku,kali banki pasprabavali pry prodažy valuty na mižbankaŭskim rynku zakładvać niejkija kamisijnyja ci dadatkovyja płaciažy i kurs byŭ nasamreč vyšejšym, čym dekłaravałasia aficyjna. Pa uskosnych dadzienych možna zrazumieć, što banki reziervujuć bolšaść valuty sami dla siabie i tolki nievialičkuju častku dla svaich klijentaŭ.
«Naša Niva»: Ci zastaniecca valuta na abmieńnikach?
ZK: Havorka ŭ liście viadziecca pra bieznajaŭny rynak.
Prodaž u abmieńnikach dla bankaŭ nie nadta pierśpiektyŭny, ale Nacbank administracyjnymi srodkami moža prymusić banki pradavać valutu.Ja liču, kali nie budzie pradpryniata inšych zachadaŭ, situacyja ŭ abmieńnikach budzie zachoŭvacca na ciapierašnim uzroŭni. Toje, što nasielnictva zdaje, banki buduć pradavać.
«NN»: Pa jakich impartnych tavarach pieradusim udaryć stvareńnia paralelnaha kursa?
ZK: Chutčej za ŭsio, heta bytavaja technika, kampjutary. Pa ich najbolš mocna ŭdaryła raniejšaja pastanova Nacbanka, jakija prypyniła prodaž valuty.
«NN»: A eksparcioraŭ pastanova ŭratuje?
ZK: U cełym — tak. Devalvacyja rubla dla ich budzie niejkim vyratavańniem, ale
šmat chto z eksparcioraŭ budzie pavinien pradavać valutu na aficyjnym rynku i pa aficyjnym kursie.Tamu dla roznych hrup ekspartu buduć roznyja ŭmovy.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary