«Listy z-pad šybienicy»: za paŭtara stahodździa ničoha nie źmianiłasia
Palitołah Uładzimir Padhoł prapanuje napisać ahulnanacyjanalnuju dyktoŭku pa tekście Kalinoŭskaha.
Palitołah Uładzimir Padhoł prapanuje napisać ahulnanacyjanalnuju dyktoŭku pa tekście Kalinoŭskaha.
Na jaho dumku, takim čynam možna vykazać salidarnaść ź viaźniami.
«Admietnaściu sioletniaj dyktoŭki pavinna stać salidarnaść z palitźniavolenymi. Na ŭhodki BNR ahulnanacyjanalnaja dyktoŭka moža być napisanaja palityčnymi aktyvistami, paplečnikami źniavolenych, eks-kandydatami ŭ prezidenty, jakija zastajucca na voli, pa tekście, stvoranym na asnovie «Listoŭ z-pad šybienicy» Kastusia Kalinoŭskaha». Sp. Padhoł raić zahadzia dasłać tekst dyktoŭki viaźniam, kab tyja pa mahčymaści arhanizavali jaje i za kratami.
Čamu mienavita «Listy»? Palitołah kaža, što
jon pravioŭ paralel pamiž Kalinoŭskim i aŭtaram «Listoŭ ź lesu» Paŭłam Sieviaryncam, jaki ciapier znachodzicca ŭ zaścienku KDB.
Situacyja z tych časoŭ nie našmat pamianiałasia.
Razam z tym Uładzimir Padhoł adznačaje, što «było b cudoŭna, kab usie eks-kandydaty ŭ prezidenty dy lidary partyj, jakija znachodziacca na voli, pisali dyktoŭku razam u adzin čas i adnym miescy — i tym samym zrabili krok da jadnańnia apazicyi. Jadnańnia vakoł nacyjanalnych kaštoŭnaściaŭ, dzie ahulnanacyjanalnym lidaram jość nie niejki idał, a Mova».
«Jość ideja napisać estafietnuju dyktoŭku ambasadaram krain Eŭraźviaza pa tekstach Kalinoŭskaha «Listy z pad šybienicy», i dasłać kopiju dyktoŭki kožnamu palitviaźniu ŭ turmu KDB ŭ znak salidarnaści».
Nad zvodnym tekstam dla dyktoŭki ciapier pracuje paet Siarhiej Zakońnikaŭ.
Nahadajem, što ahulnanacyjanalnaja dyktoŭka ŭpieršyniu była praviedziena ŭ Biełarusi ŭ 2008 hodzie. Jaje inicyjataram źjaŭlajecca Uładzimir Padhoł. Sioleta dyktoŭka pravodzicca ŭ try etapy: 21 lutaha, 15 i 25 sakavika.
Ciapier čytajuć
Za vybuch u minskim mietro sudzili nie tolki Kanavałava i Kavalova. Jak skłaŭsia los jašče troch fihurantaŭ spravy?7
Kamientary