Žart izrailskich inžynieraŭ vyjaŭleny z dapamohaj Google Earth.
Dziakujučy mapam Google stała viadoma, što na dachu budynka iranskaj avijakampanii Iran Air u aeraporcie Tehierana zichcić izrailski simvał — zorka Davyda.
Jaje vyjava vyrazna bačnaja z pavietra. «Viadoma, heta moža być kurjoznaje architekturnaje supadzieńnie abo aptyčny padman. Ale ŭ takoje nichto nie choča vieryć», — piša niamieckaja hazieta Die Welt.
Uvahu na zorku źviarnuŭ adzin z amierykanskich karystalnikaŭ Google Earth i abnarodavaŭ hety fakt. Ułady Irana patrabujuć vydalić znak «jak maha chutčej». Heta ŭžo druhaja zorka Davida, znojdzienaja ŭ Tehieranie na praciahu niekalkich miesiacaŭ — pieršuju vyjavili ŭ žniŭni na adnym z budynkaŭ płoščy Revalucyi.
Iranskija ŚMI hadajuć, jak simvał krainy, na adras jakoj Machmud Achmadziniežad rehularna skiroŭvaje svaje filipiki, apynuŭsia na budynku aeraporta i zastavaŭsia niezaŭvažanym na praciahu dziesiacihodździaŭ. Adkaz na pieršaje pytańnie, miarkuje hazieta, moža być prosty: aeraport budavali jašče da Isłamskaj revalucyi 1979 hoda izrailskija inžyniery. Tady, za šacham Machamiedam Reza Piechlevi, adnosiny miž Iranam i Izrailem byli siabroŭskimi.
Tak što, całkam mahčyma, što izrailskija inžyniery dazvolili sabie tady nievialiki žart. «Škada tolki, što siońniašni ŭrad Irana, padobna, nie maje pačućcia humaru», — padsumoŭvaje vydańnie.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha13
Kamientary