Pamior Michaił Savicki
Mastak prajšoŭ vajnu, byŭ viaźniem kancłahieraŭ Dachaŭ i Buchienvald.
Siońnia na 89-m hodzie žyćcia pamior narodny mastak Biełarusi, akademik Michaił Savicki.
Mastak prajšoŭ vajnu, byŭ viaźniem kancłahieraŭ Dachaŭ i Buchienvald. Michaił Savicki — aŭtar viadomaj sieryi žyvapisnych tvoraŭ «Ličby na sercy».
Mastak pamior u noč na 8 listapada.
Raźvitańnie ź Michaiłam Savickim adbudziecca 10 listapada ŭ Centralnym domie aficeraŭ. Hramadzianskaja panichida projdzie z 10:00 da 13:00. Mastaka pachavajuć na Uschodnich mohiłkach Minska, piša BiełaPAN.
Dla arhanizacyi pachavańnia stvorana dziaržaŭnaja kamisija.
* * *
Ryhor Sitnica: Savicki zakryŭ apošniuju staronku hrandyjoznaj epochi
Z adychodam Michasia Savickaha my faktyčna zakryvajem apošniuju staronku hrandyjoznaj epochi. U tvorach Savickaha my majem vialikaha majstra. U ich, u samych lepšych svaich tvorach, jon byŭ vielmi praŭdzivym i mocnym.
Savicki byŭ zachavalnikam akademičnaj škoły. I ŭ hetym, u tym liku, jahonaja značnaść. Mahu nazvać dziasiatak pracaŭ mastaka, jakija možna śmieła adnieści da samych kaštoŭnych nabytkaŭ nie tolki biełaruskaj mastackaj škoły.
* * *
Michaił Andrejevič Savicki (nar. 18.02.1922, v. Źvianiačy Tałačynskaha rajona), narodny mastak Biełarusi (1972), narodny mastak SSSR (1983), pravadziejny člen AM Rasii, akademik Nacyjanalnaj AN Biełarusi, łaŭreat Dziaržaŭnaj premii SSSR (1973).
Uznaharodžany ordenam Francyska Skaryny, u 2006 h. prysvojena zvańnie «Hieroj Biełarusi». Kiraŭnik dziaržaŭnaj ustanovy kultury «Tvorčyja akademičnyja majsterni žyvapisu, hrafiki i skulptury».
Ciapier čytajuć
Nasta Bazar pastupiła na prahramu Kalinoŭskaha i choča stać sacyjałahiniaj: «Vučoba paśla 40 hadoŭ — svojeasablivy eliksir maładości»69
Kamientary