U piaty raz u Ašmianach asudžany hramadzianin Litvy, jaki ŭžo na praciahu čatyroch hadoŭ uparta chodzić ź Litvy ŭ viosku Kiby Ašmianskaha rajona da žonki i dziaciej. Pry hetym Dziaržaŭnuju miažu Biełarusi jon pierasiakaje niezakonna.
Na hety raz sud Ašmianskaha rajona za naŭmysnaje niezakonnaje pierasiačeńnie miažy pryhavaryŭ
Abvinavačany paličyŭ pakarańnie zanadta surovym i abskardziŭ pryhavor u Hrodzienski abłasny sud. Tamu pryhavor pakul nie ŭstupiŭ u zakonnuju siłu.
Na sudzie Stanisłaŭ, jaki całkam pryznaŭ svaju vinu i raskajaŭsia, raskazaŭ, što ŭ 2000 hodzie jon pryjechaŭ u Biełaruś, paznajomiŭsia z žančynaj i staŭ žyć ź joj u hramadzianskim šlubie. U 2008 hodzie ŭ Litvie jany aficyjna zarehistravali svaje adnosiny. Ciapier u ich dvoje dziaciej. Šeść hadoŭ synu i dzieviać — dačce.
Ale pakul šlub nie zarehistravali, Stanisłaŭ trojčy pryciahvaŭsia da kryminalnaj adkaznaści za naŭmysnaje niezakonnaje pierasiačeńnie Dziaržaŭnaj miažy Respubliki Biełaruś.
Pieršy raz, u žniŭni 2006 hoda, asudžany atrymaŭ 930 000 rubloŭ štrafu. Naprykancy sakavika 2007 hoda za heta ž złačynstva Stanisłava pryhavaryli da šaści miesiacaŭ aryštu. Tolki jon vyzvaliŭsia, jak u hetym ža hodzie znoŭ parušyŭ hranicu. Dali siem miesiacaŭ pazbaŭleńnia svabody.
I, narešcie, 4 listapada 2008 hoda Stanisłava pasadzili ŭ kałoniju na adzin hod. Vyzvalili asudžanaha
Pavodle pakazańniaŭ Stanisłava ŭ sudzie, 1 lipienia 2010 hoda kala 18 hadzin jon pieššu čarhovy raz, minajučy prapusknyja punkty, pierajšoŭ hranicu Biełarusi. Pryjšoŭ u viosku Kiby Ašmianskaha rajona, dzie žyvie jaho žonka i dzieci. Kaža: razumieŭ, što jamu zabaroniena luboje naviedvańnie našaj krainy.
Ale nie bačyŭ svaju siamju bolš za hod. Tamu ad spakusy znoŭ parušyć zakon nie zmoh admovicca.
Prykładna praź dźvie hadziny paśla taho, jak Stanisłaŭ pryjšoŭ da žonki i dziaciej, u dom uvajšoŭ učastkovy milicyjanier. Učastkovy paviedamiŭ pra parušalnika pahraničnikam, tyja zatrymali litoŭskaha hramadzianina i dastavili ŭ vajskovuju čaść dla dalejšaha razboru…
Ciapier, kali sud Hrodzienskaj vobłaści nie zadavolić skarhu hramadzianina Litvy, jon siadzie ŭžo na paŭtara hoda.
Kamientary