Najvialikšy dopinhavy skandał u historyi biełaruskaha sportu.
21 vieraśnia Dyscyplinarnaja kamisija fiederacyi ciažkaj atletyki razhladała spravy troch biełaruskich spartoŭcaŭ. Usie jany byli złoŭlenyja na ŭžyvańni zabaronienych preparataŭ padčas krasavickaha čempijanatu Jeŭropy ŭ Minsku.
Mikałaj Černiak byŭ bronzavym pryzioram taho pieršynstva. U jahonaj kryvi ŭ antydopinhavym ahienctvie znajšli preparat praviron. Hety srodak prymianiajecca pierad spabornctvami dla pavyšeńnia žorstkaści muskułatury. Jon časta prymianiajecca akciorami ci śpievakami pierad zdymkami, kab padkreślić muskułaturu.
Pa hetym vypadku biełarusy nie zmahli navat apraŭdvacca. Vierdykt — 4 hady dyskvalifikacyi.
Jašče adna bronzavaja miedalistka kantynientalnaha čempijanatu Šemšat Tulajeva trapiłasia na ŭžyvańni klenbuterołu. Časta jon vykarystoŭvajecca dla spalvańnia tłušču. Dla ciažkaatletaŭ heta vielmi aktualna pierad spabornictvami.
Šemšat nastojvała na tym, što preparat jana atrymała ŭ kroplach ad prastudy. Ale nie dapamahło dziaŭčyna atrymała maksimalnuju dyskvalifikacyju — 4 hady.
Tulajeva rodam z Turkmienistanu, ale jak spartsmienka skłałasia ŭžo ŭ Biełarusi.
Samy dziŭny vypadak byŭ z alimpijskim čempijonam Andrejem Aramnavym. Jon pahareŭ navat nie złoŭžyvańni dopinhu, a na tym, što paliŭ marychuanu.
U pryncypie, paleńnie hetaha narkotyku zabaroniena tolki padčas spabornictvaŭ. I biełaruski bok nastojvaŭ na tym, što Aramnaŭ užyvaŭ marychuanu zadoŭha da startaŭ. Kamisija mahła abmiežavacca tolki papiaredžańniem, ale vyniesła ci nie samaje surovaje ŭ dadzienym vypadku pakarańnie — šeść miesiacaŭ dyskvalifikacyi.
A heta značyć, što Aramnaŭ prapuścić Alimpijadu ŭ Łondanie. Bo ŭsim ciažkaatletam, jakija atrymlivajuć paŭhadavuju ci bolš dyskvalifikacyju zabaronieny ŭdzieł u Hulniach. Kaniečnie, biełarusy buduć asprečvać hetaje rašeńnie, ale nieviadoma, ci pryniasie heta vynik.
Andrej Aramnaŭ — čałaviek składanaha charaktaru. Majučy fantastyčny pryrodny talent, Aramnaŭ robić usio mahčymaje, kab jaho razbazaryć. Kolki razoŭ jaho ŭžo łavili pjanym za styrnom mašyny. Ciapier voś novy skandał z marychuanaj.
Takich spartoŭcaŭ składanaha losu vielmi lubiać zaŭziatary. Možna ŭzhadać chacia b futbalista Alaksandra Prakapienku. Zrešty, u Aramnava jašče jość čas, kab realizavać svoj hrandyjozny patencyjał.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary