Sud spyniŭ administracyjnuju spravu ŭ dačynieńni da aktyvista.
Sud spyniŭ administracyjnuju spravu ŭ dačynieńni da aktyvista.
U Niaśvižskim rajonnym sudzie skončyłasia sudovaja epapieja pa abvinavačvańni aktyvista z Klecku Siarhieja Panamarova ŭ abrazie načalnika kleckaj ŽKH Alaksandra Navickaha. U aŭtorak 7 vieraśnia žonka aktyvista Śviatłana Panamarova atrymała pastanovu suda ad 26 žniŭnia 2010 h. U joj havorycca, što ŭ chodzie sudovaha razhladu sud zadavoliŭ zajavu Navickaha z prośbaj spynić spravu ŭ suviazi z tym, što jon pamiryŭsia z Panamarovym. Pakolki sud nie moža razhladać administracyjnuju spravu biez zajavy paciarpiełaha boku, to było pryniataje rašeńnie spravu spynić pa prymireńni bakoŭ.
Varta adznačyć, što na momant vyniasieńnia hetaha rašeńnia S. Panamaroŭ užo znachodziŭsia ŭ Polščy, kudy vyjechaŭ, kab atrymać palityčny prytułak. Nahadajem taksama, što pieršapačatkova ŭ pravaachoŭnyja orhany na abrazy z boku načalnika ŽKH paskardziŭsia Panamaroŭ. Adnak, u chutkim časie Navicki padaŭ sustrečnuju zajavu, u jakoj źvinavaciŭ u abrazach Panamarova. Aktyvista ŭ vyniku aštrafavali. Jon niekalki razoŭ abskardžvaŭ pakarańnie i navat mieŭ padtrymku z boku Minskaha abłasnoha i niaśvižskaha rajonnaha sudoŭ, ale paźniej toj ža Minski abłasny sud zadavoliŭ kasacyjnuju skarhu Navickaha i pryznačyŭ novaje pasiedžańnie ŭ Niaśvižy na 26 žniŭnia.
Na siońnia niezavieršanaj zastajecca kryminalnaja sprava suprać Panamarova pavodle art. 369 KK RB («Źniavaha pradstaŭnika ŭłady»). Kleckaha apazicyjaniera abvinavačvajuć u abrazie šerahu kleckich čynoŭnikaŭ. Panamarova abviaścili ŭ vyšuk.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ2
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary