Klecki aktyvist, jaki paprasiŭ prytułku ŭ Polščy, moža być asudžany zavočna.
Klecki aktyvist, jaki paprasiŭ prytułku ŭ Polščy, moža być asudžany zavočna.
23 žniŭnia ŭ sudzie Słuckaha rajonu adbyłasia sudovaje pasiedžańnie pa spravie kleckaha aktyvista apazicyi Siarhieja Panamarova. Jaho vinavacili pavodle art. 369 KK RB («Źniavaha pradstaŭnika ŭłady»). Spravu na Panamarova zaviali 25 maja hetaha hoda. Suprać Panamarova sudziacca piać kleckich čynoŭnikaŭ: staršynia Kleckaha rajvykankama A. Bojka, sudździa rajsuda A. Haściejeva, staršynia rajonnaha savieta deputataŭ P. Duduk i kleckija milicyjanty A. Kananovič i S. Zdrok. Pavodle śledstva, abrazy vyšejpamianionym asobam Panamaroŭ nanios svaimi artykułami ŭ vydavanym im biuleteni «Bojki Kleck».
Jak paviedamiŭ «NN» advakat S. Panamarova Pavieł Sapiełka, siońnia ŭ sudzie kleckaha aktyvista abviaścili ŭ vyšuk. Raniejšaja miera strymańnia — znachodžańnie pad raśpiskaj ab niavyjeździe — źmienienaja na ŭtrymańnie pad vartaj u turmie №8 h. Žodzina. Pavodle advakata Sapiełki, kali sud paćvierdzić fakt znachodžańnia Panamarova pa-za miežami Biełarusi, jon moža być asudžany zavočna.
Nahadajem, što na dadzieny momant S. Panamaroŭ znachodzicca ŭ Polščy, dzie jon paprasiŭ palityčnaha prytułku.
Tym časam, u Varšavie Siarhieja Panamarova naviedaŭ Aleh Ałkajeŭ, jaki ciapier žyvie ŭ Niamieččynie.
Kamientary