U vioscy Starynki Vilejskaha rajona pad słojem cemientu znajšli cieła źnikłaj 20‑hadovaj dziaŭčyny.
U vioscy Starynki Vilejskaha rajona Minskaj vobłaści členy śledča‑apieratyŭnaj hrupy pad słojem ziamli i cemientu znajšli cieła źnikłaj u pačatku červienia 20‑hadovaj minčanki. Ruki dziaŭčyny byli źviazanyja, u rocie ŭ jaje znachodziŭsia klap.Pa fakcie śmierci zaviedzienaja kryminalnaja sprava pa artykule 139 KK RB (Zabojstva).
U ździajśnieńni zabojstva padazrajecca 24‑hadovy ŭnuk miascovaj žycharki, u haražy jakoj i było znojdziena cieła dziaŭčyny. Śledčym nieabchodna vyśvietlić jak pryčynu śmierci, tak i mahčymuju suviaź pamiž zabojstvam i «dziejańniami sieksualnaha charaktaru» ŭ dačynieńni da achviary. Padazravany, jaki pracuje na adnoj ź minskich STA, abvieščany ŭ vyšuk.
Achviara časova žyła i pracavała instruktaram pa vierchavoj jaździe ŭ firmie ŭ vioscy Starynki. U pačatku červienia jana nie vyjšła na pracu i nie viarnułasia dadomu, jaje mabilny telefon nie adkazvaŭ. Vyšukovyja mierapryjemstvy, praviedzienyja miascovymi milicyjantami, ni da čaho nie pryviali.
13 červienia pa fakcie bieź viestak źniknieńnia minčanki była zaviedzienaja kryminalnaja sprava. Adpracavaŭšy šerah viersij, śledčyja pryjšli da vysnovy, što šukać dziaŭčynu nieabchodna ŭ vioscy. Nieŭzabavie ŭ apieratyŭnikaŭ źjaviłasia infarmacyja ab tym, što da źniknieńnia dziaŭčyny datyčny ŭnuk 73‑hadovaj miascovaj žycharki.
Ranicaj 30 červienia ŭ jaje domie i nadvornych prybudova praviali pieratrus. U haražy Sialanka byli vyjaŭlenyja ślady śviežaŭskapanaj ziamli i reštki cemientnaha rastvoru.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary