Alaksandr Kłaskoŭski. Kropki nad «i»1313

Maskva zahaniaje ŭ stojła

Łukašenka vydaŭ sakret pališyniela: Biełaruś ratyfikavała Mytny kodeks. Piša ŭ svaim błohu na NN Alaksandr Kłaskoŭski.

Łukašenka vydaŭ sakret pališyniela: Biełaruś ratyfikavała Mytny kodeks.

Hetaje pryznańnie vyrvałasia ŭ impecie, kali jon davaŭ čarhovy adłup Miadźviedzievu. Toj ździekliva paraiŭ kalehu nie ŭlahać u spam, a ruchać napierad Mytny źviaz. Łukašenka adpłaciŭ toj samaj manietaj, nazvaŭšy repliku rasijskaha prezidenta bałbatnioj.

Voś u takim kanstruktyŭnym kantekście (sapraŭdny dyjałoh sajuźnikaŭ!) i prahučała, nie biez honaru navat: «Pavinien vam skazać, što my ni na jotu nie zrabili kroku nazad, ni na milimietr nie adstajom u Mytnym źviazie ni ad Rasii, ni ad Kazachstana. My na siońniašni dzień ratyfikavali ŭsie damovy i pahadnieńni, jakija datyčacca Mytnaha źviazu. Ale jany hetaha nie viedajuć. Harantyju vam daju, što nie viedajuć. U advarotnym vypadku nie było b hetaj bałbatni pa televizary.

Mytny kodeks my ratyfikavali. My siońnia ŭ toj ža sistemie kaardynat, što i jany».

Dziva što nie viedajuć! Ad 30 červienia, kali pajšła pahałoska pra patajemnaje rašeńnie deputataŭ, usie jany, jak i astatnija tutejšyja dziejačy, maŭčali by myła źjeŭšy. Kali b nie siońniašni palemičny pinh-ponh ź Miadźviedzievym, to kryłataja nacyja biełarusaŭ tak i čuchała b repu: dyk było toje ci nie było?

Kažu «kryłataja», bo siońnia ŭ kazionna-patetyčnaj pramovie na płoščy Pieramohi aficyjny kiraŭnik zajaviŭ, što «kožny z nas pačuvajecca svabodnym hramadzianinam svabodnaj krainy, i hetaje pačućcio litaralna akrylaje, natchniaje na ździajśnieńni i pieraŭtvareńni».

Fihieju z henych śpičrajteraŭ. «Litaralna» — heta značyć, što ŭsie nasielniki siniavokaj respubliki musiać vyhladać, jak chieruvimy. Tut ža havorycca akurat fihuralna.

Dy chalera ź joj, ź biezhustoŭnaj stylistykaj. Hałoŭnaje — u sutnaści:

za kaho trymajuć viarchi hety nibyta volny lud, kali navat nie ličać patrebnym elemientarna prainfarmavać ab pryniatym «narodnymi abrańnikami» rašeńni?

A jašče bolej istotnaje toje, što

na fonie takoj naviny ŭsia heta antymaskoŭskaja fronda łopajecca jak mylnaja burbałka. Kali ratyfikavali — značyć, Maskva marudna, ale niaŭchilna zahaniaje ŭ svajo mytnaje stojła.

Tamu i dazvalaje sabie Miadźviedzieŭ pahardu: brykajsia, brykajsia, maŭlaŭ, usio adno nikudy nie dzieniešsia!

Kamientary13

Ciapier čytajuć

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu1

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu

Usie naviny →
Usie naviny

Tramp zajaviŭ, što rasčaravany i šakavany dziejańniami Rasii1

Akademikam Rasijskaj akademii navuk abrali «kravasisiu» časoŭ Janukoviča 4

«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič7

Zialenski: Rasija admaŭlajecca abmieńvać biełaruskich pałonnych ci palitviaźniaŭ9

Jak płanujuć pravodzić lustracyju ŭ Biełarusi i chto pad jaje trapić? Ofis Cichanoŭskaj pradstaviŭ kancepcyju43

Na vybarach u Polščy budzie fotafiniš10

«Było zrazumieła, što i siudy dabiarucca». Ci buduć biełaruskija biznesmieny vydalać svaje profili z «Bajmapki»?

Stała viadoma, kali adbylisia pieratrusy ŭ miedyja, pra jakija paviedamiŭ ANT

«Na dziva mocna pracuje hieahrafičny faktar». Vydaviec Andrej Januškievič raskazaŭ, jak raspaŭsiudžvaje biełaruskija knihi praz Amazon

bolš čytanych navin
bolš łajkanych navin

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu1

«Za paŭtara hoda ja pieratvaryłasia ŭ harodninu». Fitnes-trenierka zachvareła na Bali na nieviadomuju chvarobu

Hałoŭnaje
Usie naviny →

Zaŭvaha:

 

 

 

 

Zakryć Paviedamić