U studzieni—mai najbolšy spad vytvorčaści adznačany ŭ naftapierapracoŭcy i stankabudavańni
U studzieni—mai 2010 hoda najbolšaje padzieńnie abjomaŭ vytvorčaści ŭ paraŭnańni z takim ža letašnim pieryjadam adbyłosia ŭ naftapierapracoŭčaj (na 35,9%), stankabudaŭničaj i instrumientalnaj (na 11,8%) pramysłovaści.
Pavodle źviestak Nacyjanalnaha statystyčnaha kamiteta, padzieńnie abjomaŭ vytvorčaści adbyłosia ŭ cełym u paliŭnaj pramysłovaści (na 28,6%). Taksama źnizilisia abjomy vytvorčaści ŭ aŭtamabilnaj pramysłovaści (na 3,8%), pramysłovaści ścienavych materyjałaŭ (na 3,1%) i chlebapiakarnaj (na 1,3%).
U chimičnaj i naftachimičnaj pramysłovaści vytvorčaść za piać miesiacaŭ hetaha hoda pavialičyłasia na 23,1%, u čornaj mietałurhii — na 7,3%, u pramysłovaści budaŭničych materyjałaŭ — na 8,2%, u mašynabudavańni — na 5%, u charčovaj — na 9,3%, lohkaj — na 11,4%, lasnoj, drevaapracoŭčaj i celułozna‑papiarovaj pramysłovaści — na 11,5%, u elektraenierhietycy — na 12,5%.
Najbolšy pryrost pramvytvorčaści za studzień—maj adbyŭsia ŭ chimičnaj pramysłovaści — na 24,7%.
U cełym u pramysłovaści ŭ studzieni—mai 2010 hoda abjom vytvorčaści vyras na 7,7% u paraŭnańni z takim ža letašnim pieryjadam i skłaŭ 59 trłn. 310,5 młrd. rubloŭ.
Zhodna z prahnozam sacyjalna‑ekanamičnaha raźvićcia na 2010 hod, abjom pramysłovaj pradukcyi pavinien pavodle vynikaŭ hoda vyraści na 10—12%.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca2
Kamientary