Jaho pryznali vinavatym u dvuch zhvałtavańniach i chatnim hvałcie.
Akruhovy sud Osła vynies prysud pa hučnaj kryminalnaj spravie ŭ dačynieńni da 29‑hadovaha Maryusa Borha Chiojbi — starejšaha syna kronpryncesy Narviehii Miete-Maryt. Sud pryznaŭ jaho vinavatym u dvuch epizodach zhvałtavańnia, a taksama ŭ hvałcie nad byłoj dziaŭčynaj, i pakaraŭ 4 hadami pazbaŭleńnia voli, piša VVS.
Kalehija z troch sudździaŭ razhladała čatyry epizody zhvałtavańnia, jakija inkryminavalisia Chiojbi. Sam padsudny całkam admaŭlaŭ svaju vinu. U vyniku sud paličyŭ dakazanymi dva vypadki — zhvałtavańnie ŭ 2018 hodzie na terytoryi Skaŭhuma — aficyjnaj rezidencyi kronprynca i kronpryncesy, a taksama zhvałtavańnie ŭ sakaviku 2024 hoda ŭ Osła, dzie achviara znachodziłasia ŭ biezdapamožnym stanie abo spała paśla viečaryny.
Klučavym dokazam pa hetym epizodzie stali videazapisy, jakija Chiojbi sam zdymaŭ na mabilny telefon.
Pa dvuch inšych epizodach Chiojbi byŭ apraŭdany za niedachopam dokazaŭ.
Akramia taho, syn kronpryncesy pryznany vinavatym u sistematyčnym hvałcie ŭ dačynieńni da svajoj byłoj partniorki, viadomaj narviežskaj influensierki Nory Chaŭkłand.
Prakurory patrabavali dla padsudnaha značna bolš surovaha pakarańnia — 7 hadoŭ i 7 miesiacaŭ turmy. Adnak sud spyniŭsia na čatyroch hadach źniavoleńnia.
Sam asudžany nie prysutničaŭ u zali suda asabista, a słuchaŭ 128‑staronkavy vierdykt pa videasuviazi ź miesca ŭtrymańnia pad vartaj.
Abarona Chiojbi ŭžo zajaviła ab namiery abskardzić prysud. Advakat znoŭ źviarnuŭsia da suda z prośbaj vyzvalić jaho padabaronnaha z-pad varty na čas apielacyi.
Pryčynaj advakaty nazyvajuć ciažki stan zdaroŭja jaho maci, kronpryncesy Miete-Maryt. Jana pakutuje na prahresujučuju formu fibrozu lohkich i niadaŭna była ŭklučana ŭ čarhu na transpłantacyju orhana. Abarona nastojvaje, što Maryus pavinien pravieści hety čas z maci z-za paharšeńnia jaje stanu.
Maryus Borh Chiojbi nie źjaŭlajecca členam karaleŭskaj siamji z aficyjnym tytułam (jaho maci vyjšła zamuž za spadčyńnika prastoła, kali chłopčyku było 4 hady), adnak skandał vakoł jaho asoby mocna ŭdaryŭ pa reputacyi manarchii.
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
-
Bajec rasijskaj PVK vykraŭ vajenkara, jaki pisaŭ pra ich kampaniju, i trymaŭ u zakapanaj trunie
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Asabliva ŭličvajučy, što narviežskaja turmy - heta ŭstanovy sanatorna-kurortnaha typu ŭ paraŭnańni ź biełaruskimi. Chto nie vieryć, moža spraŭdzić umovy zaklučeńnia masavaha zabojcy Brejvika.