Jakaja budzie damova ZŠA ź Iranam, pakul niajasna, ale biełarusam plavać na detali. Važna, kab jana była
Ci budzie adkryty Armuzski praliŭ? Jakaja b ni była ŭhoda, nam tolki hety punkt maje značeńnie, piša Mikoła Buhaj.
Infarmacyja pra ździełku, jakuju majuć padpisać 19 červienia, pakul vielmi ahulnaja. Tramp kaža adno, Iran — inšaje.
U Izraili pieravažajuć niezadavolenaść i horyč: ZŠA vychodziać z vajny, nie dabiŭšy praciŭnika.
Dla biełarusaŭ važna inšaje: ci budzie adkryty Armuzski praliŭ. Jakaja b ni była ŭhoda, nam tolki hety punkt maje značeńnie. Z adkryćciom pratoki ceny na naftu pojduć uniz, a razam z tym i napaŭnieńnie biudžetu Rasii.
Maskva była na miažy vyčarpańnia hrošaj: deficyt biudžetu za pieršyja 4 miesiacy 2026‑ha ŭ paŭtara raza pieravysiŭ prahnoz na ceły hod. Napad ZŠA na Iran časova ŭratavaŭ Pucina, bo ceny na naftu i haz rezka vyraśli.
Ź ich padzieńniem vyrastuć šancy i na spynieńnie vajny va Ukrainie. Dyj finansavać svaich maryjanietak u Minsku Kramlu budzie ciažej.
Kali padpisańnie ździełki nie sarviecca, to 19 červienia budzie padviedzieny pramiežkavy vynik samoj vajny.
Z adnaho boku, Izrail i ZŠA zabili kiraŭnictva Irana. I heta najbolšaja harantyja budučaha raskładu: damokłaŭ mieč budzie visieć i nad nastupnymi kiraŭnikami. Z druhoha boku, Vašynhtonu nie ŭdałosia dabicca adkryćcia Armuzskaha praliva vajennymi srodkami, i na pieramovy pajści daviałosia.
Jeŭropa vytrymała skačok cen na enierhanośbity. Ukraina vystajała. Araby buduć inviestavać u zapasnyja šlachi ekspartu vuhlevadarodaŭ u abychod Armuza. Alternatyŭnyja krynicy enierhii atrymali novuju dozu inviestycyj. Iran pabačyŭ, što Maskva ničym jamu dapamahčy nie moža. VPK usich krain zojmiecca pošukam novych i biudžetnych rašeńniaŭ dla źbićcia balistyčnych rakiet i šachiedaŭ.
Ale hałoŭnaje dla našaha rehijona: vajna. Viartańnie nizkich cen na naftu pavialičyć šancy na jaje spynieńnie.
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary
Praktyčnaje: fłot z dna marskoha nie dazvalaje pieršaj armii śvietu kantralavać maleńki łapik na hłobusie.
Prahnoz : Armuzskaja pratoka budzie zabłakavanaja da pieraabrańnia Trampa. Pieršym krokam zabłakavali vieniesuelskuju naftu, nastupnym krokam zrabili nieprachodnaj Armuzskuju pratoku.
Mahčymyja novyja razbureńni i błakady naftanosnych rehijonaŭ. Naprykład, na Blizkim Uschodzie, u Mieksikanskaj zatocy i ŭ Paŭnočnym mory, miž Hrynlandyjaj i Narviehijaj.
Destabilizacyja ŭ hetych rehijonach i ŭ Kanadzie stała najpieršym kłopatam 80-ci hadovaha narcysa, nieadnojčy im artykulavałasia.