Якая будзе дамова ЗША з Іранам, пакуль няясна, але беларусам пляваць на дэталі. Важна, каб яна была
Ці будзе адкрыты Армузскі праліў? Якая б ні была ўгода, нам толькі гэты пункт мае значэнне, піша Мікола Бугай.
Інфармацыя пра здзелку, якую маюць падпісаць 19 чэрвеня, пакуль вельмі агульная. Трамп кажа адно, Іран — іншае.
У Ізраілі пераважаюць незадаволенасць і горыч: ЗША выходзяць з вайны, не дабіўшы праціўніка.
Для беларусаў важна іншае: ці будзе адкрыты Армузскі праліў. Якая б ні была ўгода, нам толькі гэты пункт мае значэнне. З адкрыццём пратокі цэны на нафту пойдуць уніз, а разам з тым і напаўненне бюджэту Расіі.
Масква была на мяжы вычарпання грошай: дэфіцыт бюджэту за першыя 4 месяцы 2026‑га ў паўтара раза перавысіў прагноз на цэлы год. Напад ЗША на Іран часова ўратаваў Пуціна, бо цэны на нафту і газ рэзка выраслі.
З іх падзеннем вырастуць шанцы і на спыненне вайны ва Украіне. Дый фінансаваць сваіх марыянетак у Мінску Крамлю будзе цяжэй.
Калі падпісанне здзелкі не сарвецца, то 19 чэрвеня будзе падведзены прамежкавы вынік самой вайны.
З аднаго боку, Ізраіль і ЗША забілі кіраўніцтва Ірана. І гэта найбольшая гарантыя будучага раскладу: дамоклаў меч будзе вісець і над наступнымі кіраўнікамі. З другога боку, Вашынгтону не ўдалося дабіцца адкрыцця Армузскага праліва ваеннымі сродкамі, і на перамовы пайсці давялося.
Еўропа вытрымала скачок цэн на энерганосьбіты. Украіна выстаяла. Арабы будуць інвеставаць у запасныя шляхі экспарту вуглевадародаў у абыход Армуза. Альтэрнатыўныя крыніцы энергіі атрымалі новую дозу інвестыцый. Іран пабачыў, што Масква нічым яму дапамагчы не можа. ВПК усіх краін зоймецца пошукам новых і бюджэтных рашэнняў для збіцця балістычных ракет і шахедаў.
Але галоўнае для нашага рэгіёна: вайна. Вяртанне нізкіх цэн на нафту павялічыць шанцы на яе спыненне.
«Кайлас, я іду». Што за беларуска знікла ў жудасным селі ў Непале6
Каментары
Практычнае: флот з дна марскога не дазваляе першай арміі свету кантраляваць маленькі лапік на глобусе.
Прагноз : Армузская пратока будзе заблакаваная да пераабрання Трампа. Першым крокам заблакавалі венесуэльскую нафту, наступным крокам зрабілі непраходнай Армузскую пратоку.
Магчымыя новыя разбурэнні і блакады нафтаносных рэгіёнаў. Напрыклад, на Блізкім Усходзе, у Мексіканскай затоцы і ў Паўночным моры, між Грынляндыяй і Нарвегіяй.
Дэстабілізацыя ў гэтых рэгіёнах і ў Канадзе стала найпершым клопатам 80-ці гадовага нарцыса, неаднойчы ім артыкулявалася.