Naviband užo hod nie mohuć vyjechać z Polščy i dvojčy pieranosili jeŭrapiejski tur
Niadaŭna hurt vypuściŭ novuju pieśniu.
Biełaruski hurt Naviband užo bolš za hod čakaje dakumientaŭ i tamu pakul vystupaje tolki ŭ Polščy. Za hety čas muzykam daviałosia dvojčy pieranieści jeŭrapiejski tur.
Pra heta Arciom i Ksienija raskazali paśla vialikaha solnaha kancerta ŭ Varšavie, jaki ledź nie sarvaŭsia — za niekalki dzion da vystupu Ksienija Žuk amal całkam straciła hołas. Pa słovach muzykaŭ, padobnaja situacyja adbyvajecca ŭžo nie ŭpieršyniu, ale hetym razam pryjšłosia navat źviartacca da doktara.
«Zaraz usio ŭ paradku. Heta nie pieršy vypadak, tamu schiema, kab viarnuć hołas, prapracavanaja. Zvyčajna ŭ vakalistaŭ heta častaje pytańnie. A pryjści ŭ siabie dapamahaje maŭčańnie, praktykavańni pa dychańni i padtrymka blizkich».
Naviband užo treci hod zapar źbirajuć poŭnuju zału papularnaha muzyčnaha kłuba Progresja u Varšavie (źmiaščaje da 2000 čałaviek). U 2024‑m jany ŭpieršyniu vyrašyli vystupić na scenie takoha vialikaha kłuba, adznačyŭšy dziesiacihodździe hurta. A letaś tam ža prezientavali novy albom «Adliha». Čakajuć artystaŭ i ŭ inšych krainach, ale pakul što vystupać za miežami Polščy jany nie mohuć.
«My ŭžo hod čakajem dakumientaŭ i dajem kancerty pakul tolki ŭ Polščy. I vielmi čakajem sustrečy ŭ inšych krainach. Viedajem, što i ludzi čakajuć. Pryjšłosia pieranieści ŭžo dva razy jeŭrapiejski tur. Dakładna viedajem, što nas čakajuć u Vilni, u Hiermanii i Niderłandach, vialikaje žadańnie majem, kab zrabić kancert u Kijevie», — raspaviali muzyki.
Niadaŭna vyjšaŭ novy reliz hurta — pieśnia «Svoj siarod čužych». Pavodle Naviband, heta historyja nie tolki pra asabistyja pieražyvańni, ale i pra dośvied mnohich biełarusaŭ, jakija siońnia žyvuć pamiž roznymi krainami.
«Chto ciapier ja, chto ciapier ty?» — hučyć u novaj pieśni.
«Heta pra ŭsich nas, chto ŭ emihracyi i ŭ Biełarusi adčuvaje, što niešta adbyvajecca nie tak. Ludziej usio bolš praciahvajuć raździalać pamiž tak zvanymi «biehłymi» i tymi, chto zastaŭsia. Naŭmysna stvarajučy adlehłaść pamiž nami. Treba znachodzić siły nie spyniacca rabić svaju spravu i vieryć, što hetyja ciomnyja časy skončacca».
Pakul Naviband čakajuć mahčymaści viarnucca da paŭnavartasnaha jeŭrapiejskaha tura, muzyki praciahvajuć rychtavać novyja relizy i kancerty ŭ Polščy.
«Rychtujem novy sinhł. A taksama sieryju letnich kancertaŭ u vielmi atmaśfiernych miescach na adkrytych placoŭkach. Minuły raz heta była Varšava i Urocłaŭ. Sioleta chočacca dadać jašče niekalki haradoŭ. Čakajcie navin!».
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
hłaza protri, uvažajemyj, ludiej biez dokumientov užie sotni, jeśli nie tysiači...
polakam-to, poniatno, na eto plevať... a počiemu plevať vam?