Samaja hučnaja siensacyja — zbornaja Narviehii.
Narviežcy ŭ 1/4 finału vyjhrali ŭ Łatvii 2:0 i vyjšli ŭ 1/2 finału.
Na šlachu pa płej-of narviežcy dali boj Kanadzie, sastupiŭšy tolki ŭ aviertajmie (5:6), vyjhrali ŭ Šviecyi (3:2), Čechii (4:1) i Danii (4:3) i zaniali druhoje miesca ŭ hrupie.
U paŭfinale ŭ subotu jany sustrenucca sa zbornaj Šviejcaryi, jakaja ŭčora pieramahła ŭ 1/4 finału Šviecyju 3:1 (pačatak hulni 16:20).
Samaje vysokaje dasiahnieńnie narviežcaŭ na čempijanatach śvietu — 4‑ie miesca ŭ 1951 hodzie, ale tady siem zbornych hulali ŭ adno koła. A ŭ XXI stahodździ — 6‑ie miesca ŭ 2011 hodzie. Na čempijanatach śvietu ŭ XX stahoddździ narviežcy dalej stadyi 1/4 finału nie prachodzili.
U druhim paŭfinale zhulajuć Kanada i Finlandyja (21:00).
Kanada ŭčora pieramahła ZŠA 4:0, a Finlandyja — Čechiju — 4:1.
Kamientary
Norhi prajšli łatyšoŭ dziakujučy ŭdałaj hulni hałkipiera j dobraj fizyčnaj formie. Jany paśpiavali za łatyšami ŭ kožnym momancie j navat pierabiehali ich, časam vyhladała tak, što ich iniby bolš na placoŭcy. Plus vyjhrali bort, amal va ŭsich adzinaborstvach tam jany zastavalisia z šajbaj.
Łatyšy mieli bolš momantaŭ zakinuć, ale bramnik raźbivaŭ usie ichnyja vysiłki, a norhi skarystalisia ŭdačaj u adnym z momantaŭ i zasušyli hulniu, zabiŭšy na apošnich siekundach užo ŭ pustuju bramu.
Abodvy paŭfinały buduć vielmi cikavymi, finy zbolšaha tolki apošnim časam pačali kryŭdzić kanadcaŭ, zvyčajna Kanada ich prachodzić, pabačym, ale mnie vielmi cikaŭna, što pakažuć norhi ŭ hulni suprać haspadaroŭ turnira. :)