Jaho vizit adbudziecca 7 červienia.
26 maja ŭ Kanstancinopali (Stambule) na Śviaščennym sinodzie Suśvietnaha patryjarchatu pravasłaŭnaj carkvy byŭ abrany novy jepiskap Temiski, ekzarch Usialenskaha patryjarcha Kanstancinopalskaha ŭ Litvie — śviatar Panaret Psaraŭcis.
Płanujecca, što novy ekzarch prybudzie ŭ Litvu 7 červienia, kali pravasłaŭnuju chryścijanskuju supolnaść tut naviedaje sam Usialenski (Suśvietny) patryjarch Varfałamiej, paviedamiŭ u svaim telehram-kanale Biełaruski pravasłaŭny prychod u Vilni, jaki naležyć da Suśvietnaha patryjaprchatu.
Patryjarch Varfałamiej naviedaje Litvu pa zaprašeńni rymska-katalickaha archibiskupa Hintarasa Hrušasa i prymie ŭdzieł u Kanhresie Miłasernaści.
Boskaja liturhija pravasłaŭnaj supolnaści z udziełam patryjarcha i novaha ekzarcha adbudziecca 7 červienia a 9:00 u Trynapalskim chramie Śviatoj Trojcy (Verkių g. 70).
Paśla nabaženstva adbudziecca sustreča z supolnaściu.
Abrany siońnia archimandryt Panaret Psaraŭcis, jaki budzie słužyć u Litvie, — śviatar i manach, narodžany ŭ Chańji na Krycie, jaki słužyć u kanstancinopalskim prychodzie, što abjadnoŭvaje słavianskuju i tureckuju chryścijanskija supolnaści.
Manacham śviatar staŭ u 2002 hodzie, śviatarskaje paśviačeńnie atrymaŭ u 2003 hodzie. Svajo słužeńnie ajciec Panaret pačaŭ u mitrapolii Retymi i Aŭłapatama Kryckaj Carkvy. U 2014 hodzie byŭ zaprošany na słužeńnie ŭ Kanstancinopal.
Za dobrasumlennaje słužeńnie ŭ 2010 hodzie jon atrymaŭ tytuł archimandryta, a ŭ 2016 hodzie — tytuł Vialikaha Prapaviednika (Megas Ierokyrix).
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary