Ministr adukacyi Alaksandr Radźkoŭ vystupiŭ na V Biełaruskim mižnarodnym miedyjaforumie «Partniorstva ŭ imia budučyni».
Ministr adukacyi Alaksandr Radźkoŭ vystupiŭ na V Biełaruskim mižnarodnym miedyjaforumie «Partniorstva ŭ imia budučyni».
«Siońnia možna z zadavalnieńniem kanstatavać, što sistemy adukacyi krain, utvoranych na postsavieckaj prastory, spravilisia z pastaŭlenymi zadačami. I pa pakazalnikach u śfiery adukacyi pa vartaści indeksa raźvićcia čałaviečaha patencyjału, jak praviła, znachodziacca ŭ hrupie raźvitych krain śvietu (Respublika Biełaruś — 28 miesca siarod 182 krain śvietu)».
Alaksandr Radźkoŭ adznačyŭ, što ŭ sistemie daškolnaj adukacyi na 100 pracentaŭ zabiaśpiečany achop dziaciej piacihadovaha ŭzrostu padrychtoŭkaj da škoły. A kolkaść dziaciej, jakija naviedajuć daškolnyja ŭstanovy, składaje 80 pracentaŭ. Akramia hetaha jon źviarnuŭ uvahu na stvoranyja ŭmovy dla atrymańnia bazavaj, siaredniaj i śpiecyjalnaj adukacyi.
«U krainie niama katehoryj nasielnictva, jakija nie navučajucca».
Ministr skazaŭ i ab masavym žadańni nasielnictva krainy atrymlivać vyšejšuju adukacyju. Pa jaho słovach,
ahulnaja kolkaść studentaŭ dasiahnuła 430 tysiač čałaviek.
Mižnarodnaja dziejnaść u halinie adukacyi realizoŭvajecca na asnovie 67 mižnarodnych damoŭ.
«Pavialičvajecca kolkaść zamiežnych hramadzian, jakija navučajucca ŭ biełaruskich VNU. Ciapier ich ahulnaja kolkaść pieravysiła 9 tysiač čałaviek. Biezumoŭna, pryjarytet addajecca supracoŭnictvu ŭ miežach Sadružnaści niezaležnych dziaržaŭ, JeŭrAzES, Sajuznaj dziaržavy. U asnovie takoj pracy — stvareńnie adzinaj (ahulnaj) adukacyjnaj prastory».
Kolkaść hramadzian Rasii, što atrymlivajuć vyšejšuju adukacyju ŭ Biełarusi, składaje 1193 čałavieki. U VNU Rasii, jakija padparadkoŭvajucca Fiederalnamu ahienctvu pa adukacyi, navučajecca kala 10 tysiač biełarusaŭ.
«Akramia hetaha, realizujucca prajekty padrychtoŭki ŭ Rasijskaj Fiederacyi śpiecyjalistaŭ dla siłavych viedamstvaŭ Respubliki Biełaruś».
Kamientary