Tramp zajaviŭ, što admianiŭ novy ŭdar pa Iranie pa prośbie lidaraŭ Katara, AAE i Saudaŭskaj Aravii
Pieramovy praciahvajucca.
Prezident ZŠA Donald Tramp zajaviŭ, što adkłaŭ novy ŭdar pa Iranie, jaki płanavaŭsia na aŭtorak, pa prośbie lidaraŭ Katara, Saudaŭskaj Aravii i AAE, pakolki «ciapier viaducca surjoznyja pieramovy», piša Bi-bi-si.
«Padčas surjoznych pieramovaŭ emir Katara Tamim bin Chamad Al Tani, naśledny prync Saudaŭskaj Aravii Muchamied bien Sałman i prezident AAE šejch Muchamied bin Zaid Al Nachajan paprasili mianie adkłaści našu ataku na Iran, jakaja była zapłanavana na zaŭtra», — napisaŭ Tramp u svajoj sacsietcy Truth Social.
Tramp paviedamiŭ, što jaho prainfarmavali pra mahčymaść zaklučeńnia ździełki, jakaja budzie «całkam prymalnaj» dla ZŠA, i dadaŭ: «IRAN NIE PAVINIEN MIEĆ JADZIERNAJ ZBROI!»
«Z pavahi da hetych lidaraŭ ja daručyŭ kiraŭniku Pientahona Pitu Chiehsetu, staršyni Abjadnanaha kamiteta načalnikaŭ štaboŭ Denu Kiejnu i ŭzbrojenym siłam ZŠA nie nanosić udar pa Iranie zaŭtra. Ale taksama ja zahadaŭ im być hatovymi nieadkładna pačać poŭnamaštabnaje nastupleńnie na Iran, kali prymalnaha pahadnieńnia nie budzie», — rastłumačyŭ Tramp.
Jon padkreśliŭ, što pahadnieńnie pavinna harantavać adsutnaść u Irana dostupu da jadziernaj zbroi.
Iran pakul publična nie prakamientavaŭ apošniuju zajavu Trampa.
Paviedamleńni pra toje, što ZŠA i Izrail nibyta rychtujucca adnavić vajennuju kampaniju suprać Irana, źjavilisia ŭ apošnija dni na fonie bolš žorstkaj rytoryki Trampa. Raniej jon pahražaŭ Tehieranu adnaŭleńniem udaraŭ, zajaviŭšy, što «dla Irana hadzińnik cikaje, i im lepš paśpiašacca, inakš ad ich ničoha nie zastaniecca».
Vydańnie Axios sa spasyłkaj na vysokapastaŭlenuju krynicu ŭ kiraŭnictvie ZŠA paviedamlała, što kali Iran nie źmienić svaju pazicyju, ZŠA buduć vymušanyja praciahvać pieramovy «pry dapamozie bombaŭ».
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča13
Kamientary