U Biełarusi płanujuć vypuścić novuju partyju załatych inviestycyjnych maniet «Słavianka». Nacyjanalny bank abviaściŭ, što ŭ abaračeńnie pastupić manieta naminałam 50 rubloŭ.
Novuju manietu vypuściać nakładam 5 tysiač štuk. Jana vyrablenaja z zołata vysokaj proby (999,9), važyć 7,78 hrama i pryznačanaja dla zachavańnia srodkaŭ i inviestycyj. Pry hetym jana źjaŭlajecca aficyjnym płaciežnym srodkam u krainie i moža vykarystoŭvacca biez abmiežavańniaŭ. U prodaž manieta pastupić 14 krasavika.
Akramia hetaha, u sieryi «Słavianka» jość i inšyja maniety: załataja naminałam 100 rubloŭ i srebnaja — 20 rubloŭ. Ich možna nabyć u bankach: prykładna za 7580 rubloŭ (100 rubloŭ), 3830 rubloŭ (50 rubloŭ) i 320 rubloŭ (srebnaja).
Maniety «Słavianka» stali pieršymi inviestycyjnymi manietami Nacyjanalnaha banka. Pavodle infarmacyi na sajcie rehulatara, ich pačali vypuskać u 2013 hodzie.
Pieršaja partyja maniet naminałam 50 rubloŭ, kolkaściu da 100 tysiač štuk, była vyrablena na šviejcarskim pradpryjemstvie Valcambi. Paźniej ich čakanili ŭžo ŭ Kazachstanie. A ź minułaha hoda załatyja inviestycyjnyja maniety Nacbanka pačali vyrablać u Biełarusi — na homielskim pradpryjemstvie «Kryštal».
Hałoŭčanka vypuściŭ pieršuju biełaruskuju załatuju manietu z «biełaruskaj syraviny»
Nacbank vypuskaje maniety «Słavianka»
Nacbank prezientavaŭ kvadratnuju, pramavuholnuju manietu i manietu dziŭnaj formy
Nacbank vypuścić manietu «Baćka»
Nacbank vypuskaje maniety «Matula»
Jak i dzie kupić i pradać zołata ŭ Biełarusi, i ci treba płacić padatki za heta
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary