U Breście sprabujuć vyratavać źniasilenych aleniaŭ z zakrytaha zaakutka
Žyvioły da hetaha času znachodziacca ŭ byłym žyvym kutku ŭ parku imia 1 Maja, jaki pracavaŭ amal 20 hadoŭ, ale byŭ zakryty ŭ 2025 hodzie. Niahledziačy na heta, častku žyvioł adtul tak i nie vyvieźli — u tym liku dvuch aleniaŭ, piša Tochka.by.
Raniej zoaabaroncy i vałanciory nieadnarazova krytykavali ŭmovy ŭtrymańnia ŭ hetym zaakutku: ludzi skardzilisia na ciesnyja valjery, niedachop ježy i drenny stan žyvioł.
Ciapier vałanciory źbirajuć hrošy, kab vykupić aleniaŭ i pieravieźci ich u «Dom Bresckaha busła», dzie im hatovyja zabiaśpiečyć naležnyja ŭmovy. Adnak zrabić heta zadarma nie atrymlivajecca — raniejšyja sproby damovicca z haspadarami žyvioł nie dali vyniku, i navat zacikaŭlenyja ŭ ich arhanizacyi admaŭlalisia z-za vysokaj cany, tym bolš što aleni nie maładyja.
Pa słovach vałancioraŭ, žyvioły vyhladajuć źniasilenymi i zaniadbanymi. Kab vyratavać ich, patrebna kala 3850 rubloŭ.
Kali nieabchodnuju sumu ŭdasca sabrać, u hetaj historyi źjavicca šaniec na dobry finał, i aleni zmohuć žyć u značna lepšych umovach.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary