Minčanka chacieła adsudzić u milicyi 7 tysiač rubloŭ za raspaŭsiud fota jaje siamji pa čatach i navat dajšła da suda
Žančyna paskardziłasia, što ŭ rabočych čatach nastaŭnikaŭ i vychavacielaŭ Zavodskaha rajona pačali raspaŭsiudžvać kadry ź sistemy videanazirańnia kramy. Na zdymkach była jana sama, jaje muž i ich čatyrochhadovaje dzicia. Fota supravadžałasia podpisam ab nieabchodnaści «terminova apaznać hramadzian».
Ab tym, što jana stała «zorkaj» piedahahičnych supołak, minčanka daviedałasia ad kaleh pa pracy i vychavacielaŭ sadka, kudy chodzić jaje syn.
U čatach siarod piedahohaŭ škoły i dziciačaha sada, jakija znachodziacca na terytoryi Zavodskaha rajona, byli raspaŭsiudžany fatahrafii ź sistem videanazirańnia. Na ich byli sama žančyna, jaje muž i čatyrochhadovaje dzicia. Zdymki supravadžalisia paviedamleńniem ab nieabchodnaści terminova apaznać hramadzian. Žančynie daviedałasia pra heta ad kalehi pa pracy i vychavacielaŭ dziciačaha sadka, jaki naviedvaje jaje syn.
Piedahohi byli zaniepakojenyja i źbiantežanyja takoj situacyjaj. Jak vyśvietliła maci, rassyłku inicyjavała inśpiekcyja pa spravach niepaŭnaletnich Zavodskaha RUUS.
U samim rajonnym upraŭleńni žančynie zajavili, što dziejničali pa zakonie, ale jana z hetym nie pahadziłasia i padała ŭ sud.
U isku minčanka patrabavała pryznać dziejańni milicyi niezakonnymi i vypłacić maralnuju kampiensacyju: 5 tysiač rubloŭ joj i 2 tysiačy — synu.
Adnak sud u zadavalnieńni patrabavańniaŭ admoviŭ. Pavodle MUS, muž minčanki skraŭ u kramie tavaraŭ na 145 rubloŭ.
Zhoda čałavieka na apracoŭku jaho piersanalnych danych nie patrabujecca, kali heta nieabchodna milicyi dla vykanańnia svaich słužbovych paŭnamoctvaŭ — adkazali ŭ sudzie.
Toje, što paciarpieŭ nie tolki muž, ale i jaho žonka, i 4‑hadovaje dzicia, sud nijak nie ŭličyŭ.
Sud pryjšoŭ da vysnovy, što patrabavańni ab kampiensacyi maralnaj škody ŭ suviazi z parušeńniem Zakona «Ab abaronie piersanalnych dadzienych» nie padlahajuć zadavalnieńniu.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary
Kolkim ludziam sistemy nazirańnia u rukach siłavikoŭ dyktatur skalečyli žyćcio?
Kali sud i nadalej nie budzie rabić roźnicy pamiž žančynaj ź dziciom na rukach i jaje mužam, jak u dadzienym vypadku, to za lubuju škodu psichičnamu zdaroŭju ludziej nivodzin achoŭnik(-ca) tak i nie paniasie anijakaj adkaznaści.
Udzielnikam čataŭ taksama haračy pryviet. Nie pytajsia pa kim zvonić zvon. (s) Hieminhviej.