«Hory rastuć, nam potym hetym dychać». Žychary šmatpaviarchovika ŭ Łošycy niezadavolenyja «śniežnym susiedam»
Jašče ŭ listapadzie, kali nichto nie padazravaŭ, jakija śniehapady nas čakajuć, stała viadoma, što ŭ Minsku vyznačany 11 placovak dla składavańnia śniehu. Dakładnyja adrasy nie nazyvalisia.
A kali śnieh pasypaŭ, vyśvietliłasia, što adzin z «reziervuaraŭ» znachodzicca ŭ Łošycy, na skryžavańni vulic Čyžeŭskich i Maniuški. Kaliści tut husta stajaŭ pryvatny siektar, u budučyni źjaviacca šmatkvaterniki. A pakul — nie pierastajuć raści hory śniehu, piša Onliner.by.
— Placoŭka dla składavańnia śniehu znachodzicca mietrach za 500 ad majho doma, — raspaviadaje Alaksiej, jaki žyvie ŭ Łošycy. — Pa sutnaści, heta zvałka śniežna-salavych mas, jakija vyvoziać paśla ŭborki vulic. I ŭ nas, žycharoŭ bližejšych šmatpaviarchovych damoŭ, takoje susiedstva vyklikaje surjoznyja aściarohi.
Miarkujem, što viasnoj, kali śnieh pačnie rastavać i padsychać, na placoŭcy zastaniecca taja samaja sol (pył), jakoj pasypali darohi. Vietram jaje moža raźnieści va ŭsie baki, u tym liku da nas, na šmatpaviarchovyja damy, dzie žyvuć siemji ź dziećmi. Bieły nalot, jaki razdražniaje pach, adčuvańnie zapylenaści — čaho nam čakać? A jak być astmatykam/alerhikam? Ci nie budzie hety pył razdražniać vočy i horła?
Pa kamientar Onliner źviarnuŭsia ŭ administracyju Leninskaha rajona.
«U metach apieratyŭnaj uborki, vyvazu i składavańnia vialikaj kolkaści śniehu z terytoryi Leninskaha rajona h. Minska na zimovy pieryjad 2025—2026 hh. rašeńniem administracyi Leninskaha rajona h. Minska ad 19.01.2026 №70 «Ab składavańni śniehu» ŭzhodniena raźmiaščeńnie placoŭki składavańnia śniehu pablizu vuł. Čyžeŭskich, vuł. S. Maniuški.
U adpaviednaści z punktam 28 Praviłaŭ dobraŭparadkavańnia i ŭtrymańnia horada Minska, zaćvierdžanych rašeńniem Minskaha haradskoha Savieta deputataŭ ad 16.11.2016 №252, pieralik, schiemy raźmiaščeńnia i ŭładkavańnia placovak składavańnia śniehu vyznačajucca śpiecyjalizavanymi arhanizacyjami pa ŭtrymańni vulična-darožnaj sietki i ŭzhadniajucca z administracyjami rajonaŭ horada.
Patrabavańni da vybaru ziamielnaha ŭčastka dla raźmiaščeńnia placovak składavańnia śniehu, ich uładkavańniu i ekspłuatacyi, rekultyvacyi ziemlaŭ paśla vyvadu z ekspłuatacyi dla praduchileńnia abo zabieśpiačeńnia minimalnaha ŭździejańnia składavańnia śniehu na pryrodnaje asiarodździe ŭstanoŭleny TKP 17.02-16— 2018 «Achova navakolnaha asiarodździa i pryrodakarystańnie. Patrabavańni da raźmiaščeńnia i ekspłuatacyi placovak składavańnia śniehu», zaćvierdžanym Pastanovaj Ministerstva pryrodnych resursaŭ i achovy navakolnaha asiarodździa Respubliki Biełaruś ad 05.10.2018 №4-T.
Vybar miescaŭ dla raźmiaščeńnia placovak składavańnia śniehu ažyćciaŭlajecca z ulikam vynikaŭ abśledavańniaŭ terytoryj na pradmiet mahčymaha zabrudžvańnia navakolnaha asiarodździa placoŭkaj składavańnia śniehu z ulikam aptymalnaj vydalenaści ad miescaŭ uborki śniehu, maršrutaŭ ruchu miechaničnych transpartnych srodkaŭ pa vyvazu śniehu i času vykanańnia takich rabot.
Placoŭki składavańnia śniehu raźmiaščajucca nie bližej za 100 m ad žyłych budynkaŭ, dziciačych i lačebnych ustanoŭ (stacyjanaraŭ).
Apracoŭka vulična-darožnaj sietki rajona supraćhałalodnymi materyjałami pravodzicca z zachavańniem STB 1158‑2013 «Materyjały supraćhałalodnyja dla zimovaha ŭtrymańnia aŭtamabilnych daroh», zaćvierdžanaha Pastanovaj Dziaržaŭnaha kamiteta pa standartyzacyi Respubliki Biełaruś ad 27.11.2013 №61, jaki rehłamientuje narmatyvy vykarystańnia supraćhałalodnych materyjałaŭ dla likvidacyi zimovaj ślizhotnaści, što dazvalaje nie dapuścić pieravyšeńnia kancentracyi zabrudžvalnych rečyvaŭ u pavietry pry rastavańni śniehu, a taksama ŭ składzie tałych vod, jakija advodziacca z terytoryi placoŭki składavańnia śniehu.
Pry najaŭnaści pytańniaŭ pa ekspłuatacyi placoŭki składavańnia śniehu pablizu vuł. Čyžeŭskich, vuł. S. Maniuški prosim źviartacca ŭ dyśpietčarskuju słužbu UP «Remaŭtadar Leninskaha rajona h. Minska» pa numary (8 017) 379-21-37», — rastłumačyli ŭ administracyi.
Miascovych žycharoŭ, jakija taksama adpraŭlali zvarot miascovym uładam, zapeŭnili, što pry nastupie spryjalnaha pieryjadu budzie praviedziena rekultyvacyja terytoryi ŭ adpaviednaści z usimi normami i praviłami.
Kamientary
Jeŝio nie vsio horizonty v Minskie płotno zakryty panielnym domostrojenijem.