Valfovič: U Biełarusi vieniesuelski scenaryj niemahčymy, bo siłaviki nie majuć prava zdradzić Łukašenku
Dziaržaŭny sakratar Rady biaśpieki Biełarusi Alaksandr Volfovič zajaviŭ, što ŭ Vieniesuele amierykanskija śpiecpadraździaleńni zmahli biez usialakich pieraškod pralacieć nad terytoryjaj krainy i pravieści apieracyju pa zachopie Nikałasa Madura tamu, što ŭ atačeńni vieniesuelskaha kiraŭnika adbyłasia zdrada.
Na dumku Alaksandra Valfoviča, toje, što adbyłosia ŭ Vieniesuele, stała mahčymym z-za zdrady ŭnutry krainy — u dačynieńni jak da kiraŭnika dziaržavy, tak i da dziejnaj ułady. Jon padkreśliŭ, što zamiežnyja vajskoŭcy nie atrymali ŭ adkaz navat papieradžalnych strełaŭ.
Volfovič zapeŭniŭ, što padobny scenar u Biełarusi niemahčymy. Pa jaho pierakanańni, biełaruskija siłaviki nie zdolnyja na zdradu i nie mohuć pajści suprać svajho kiraŭnika:
«My nie možam zdradzić svajmu prezidentu, prosta nie majem na heta prava».
Razam z tym jon adznačyŭ, što ŭ Biełarusi zahadzia praduhledžany zakanadaŭčyja miechanizmy na vypadak, kali Łukašenka časova nie zmoža vykonvać svaje abaviazki. U takich situacyjach maje sabracca Rada biaśpieki, kab pryniać nieabchodnyja rašeńni, i heta nibyta harantuje bieśpierapynnaje kiravańnie dziaržavaj biez straty kantrolu navat na karotki čas.
Łukašenka pra vykradańnie Madura: Heta sastupka Trampa vajskoŭcam za Afhanistan
Łukašenka pačynaje ŭśviedamlać nastupstvy razbureńnia suśvietnaha paradku
«Hruby impieryjalizm». Źjaviŭsia analiz novaj palityki ZŠA vačyma łukašenkaŭskich siłavikoŭ
Anarchist Dziadok pra apieracyju ŭ Vieniesuele: Vialikaja dubinka ŭ dobrych rukach
Kamientary