Žychar Minska staŭ achviaraj maštabnaj i pradumanaj machlarskaj schiemy, straciŭšy ŭsie svaje hrošy i aŭtamabil.
Machlary, pradstaŭlajučysia supracoŭnikami banka i śledstva, na praciahu niekalkich dzion manipulavali mužčynam, prymušajučy jaho pieravodzić hrošy praz škodnasny dadatak. Ahulnaja suma škody pieravysiła 134 tysiačy rubloŭ, piša Onliner.by.
Usio pačałosia z telefonnaha zvanka. Mužčynu patelefanavaŭ čałaviek, pradstaviŭšysia supracoŭnikam banka, i paviedamiŭ pra aformlenuju na jaho imia kredytnuju kartu.
Kali minčuk staŭ piarečyć, jamu skazali, što mahčyma jaho asabistyja danyja byli skradzieny. Adrazu paśla hetaha zvanka achviaru «pieraklučyli» na inšaha łžesupracoŭnika, užo ź inšaha banka.
Novy «śpiecyjalist» paviedamiŭ, što na imia mužčyny nie tolki aformili kredyty, ale i napisali na jaho zajavu ab machlarstvie.
Dla pravierki, pa słovach złamyśnika, u kvatery achviary musiŭ adbycca vobšuk z kanfiskacyjaj usich niezadekłaravanych hrošaj.
Znachodziačysia ŭ stresie, mužčyna vykanaŭ patrabavańni: abmianiaŭ svaje hrošy ŭ abmiennym punkcie, papoŭniŭ bankaŭskuju kartu i pa ŭkazańni machlaroŭ ustalavaŭ na telefon śpiecyjalny dadatak.
Paśla rehistracyi ŭ im i prykładańnia karty da telefona z rachunku pačali śpisvacca hrošy.
«Supracoŭnik banka» paprasiŭ nie raskazvać nikomu pra toje, što zdaryłasia, vydalić dadatak i čakać dalejšych ukazańniaŭ.
Na nastupny dzień machlary znoŭ vyjšli na suviaź. Jany prymusili achviaru nanova spampavać dadatak, znoŭ prykłaści da telefona kartu i paviedamić danyja svajho aŭtamabila. Mužčyna padparadkavaŭsia i straciŭ jašče častku hrošaj. Ale hetaha machlaram zdałosia mała.
Praź niekatory čas minčuku patelefanavaŭ užo «pradstaŭnik Śledčaha kamiteta». Łžaśledčyk zajaviŭ, što dokazaŭ nievinavataści mužčyny niedastatkova i jon moža być saŭdzielnikam złačynstva.
Kab źniać ź siabie padazreńnie, achviary zahadali pradać svoj aŭtamabil, a atrymanyja srodki «zadekłaravać», heta značyć pieravieści praz toj ža dadatak. Machlary padtrymlivali lehiendu da kanca.
Jany śćviardžali, što za mužčynam viadziecca nazirańnie z boku KDB, a na vulicy za im nazirajuć «padazronyja asoby». Na prośby ab asabistaj sustrečy jany adkazvali admovami, što «ŭsie siły kinutyja na zatrymańnie złačyncaŭ».
Tolki straciŭšy ŭsie hrošy ad prodažu aŭtamabila, žychar Minska zrazumieŭ, što staŭ achviaraj šmatstupiennaha abmanu, i źviarnuŭsia ŭ pravaachoŭnyja orhany.
Ahulnaja suma škody pieravysiła 134 tysiačy rubloŭ.
Centralnym rajonnym adździełam Śledčaha kamiteta Minska ŭzbudžana kryminalnaja sprava pa častcy 4 artykuła 212 KK RB (kradziež majomaści šlacham madyfikacyi kampjutarnaj infarmacyi, ździejśnieny arhanizavanaj hrupaj u asabliva bujnym pamiery). Ciapier idzie śledstva.
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary
Čtoby śniať s siebia podozrienija, on dołžien prodať svoju počku, a vyručiennyje sriedstva «zadiekłarirovať», to jesť pierieviesti čieriez to žie priłožienije.