Kiraŭnik Administracyi Dźmitryj Kruty ŭ efiry telekanała «Biełaruś 1» raskryŭ pracoŭny hrafik Alaksandra Łukašenki na pačatak 2026 hoda, piša BiełTA.
«Łukašenkam na pieršy kvartał (možna navat skazać, na studzień) anansavana niekalki surjoznych mierapryjemstvaŭ z našymi vajennymi viedamstvami. Tamu dziaržaŭny sakrataryjat Rady biaśpieki zaraz rychtuje hetyja mierapryjemstvy. Dalej jon płanuje naviedać «Płanar», kab pasłuchać, jak realizujecca prahrama raźvićcia mikraelektroniki da 2028 hoda i sumiesnyja intehracyjnyja prajekty z Rasijskaj Fiederacyjaj», — raskazaŭ Dźmitryj Kruty.
Taksama budzie praca sielskahaspadarčaha siektara, asabliva ŭ Viciebskaj vobłaści. «Kantrolny termin — pieršy kvartał, kali nieabchodna navieści paradak na žyviołahadoŭčych abjektach, na našych miechdvarach, sfarmiravać inviestycyjnyja płany, kab viesna-palavyja raboty pačalisia ŭ poŭnaj hatoŭnaści. Heta taksama ciapier znachodzicca ŭ pastajannym fokusie ŭvahi Łukašenki, i jon adpaviednyja spravazdačy zasłuchoŭvaje praktyčna štodzień», — padkreśliŭ kiraŭnik Administracyi.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary