Pakul u kaladnaj Jeŭropie ludzi mierźli, u Isłandyi tempieratura padniałasia da 20 hradusaŭ
Padčas Kaladaŭ, kali mnohija jeŭrapiejcy ŭciaplalisia šalikami i ciažkimi palito, termomietr na paŭnočnym vostravie raptam pakazaŭ letnija značeńni. Va ŭschodnieisłandskim Sejdysf́jordziury 24 śniežnia kala 23‑j hadziny pa miascovym časie było 19,8°C, a ŭ Bakahierdzi — 19,7°C, piša Bild.
Heta novy śniežański rekord dla Isłandyi. Papiaredni byŭ zafiksavany 2 śniežnia 2019 hoda ŭ Kviskierjary na paŭdniovym uschodzie, kali tempieratura taksama padniałasia da 19,7 °C.
Birhir Ern Chioskuldsan ź isłandskaj mieteasłužby rastłumačyŭ, jak mahło zdarycca hetaje zimovaje dziva. Mahutnaja vobłaść vysokaha cisku na ŭschod ad Isłandyi nakiravała na vostraŭ vilhotnaje i niezvyčajna ciopłaje pavietra trapičnaha pachodžańnia. Mocny viecier kala hor stvaryŭ mocny zychodny patok, jaki prahreŭ miascovaść da rekordnych značeńniaŭ.
Tym časam u inšych rajonach Isłandyi na Kućciu abviaščalisia štarmavyja papiaredžańni, išli mocnyja daždžy.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary