Ci budzie śnieh i maroz? Jakoha nadvorja čakać u navahodniuju noč
Pra nadvorje na navahodnim tydni z 29 śniežnia pa 4 studzienia raskazaŭ sinoptyk Dźmitryj Rabaŭ.
Nas čakajuć ustojlivyja marazy i śnieh, śćviardžaje sinoptyk.
Na pačatku tydnia, 29 i 30 śniežnia, pa krainie projduć atmaśfiernyja franty, jakija pryniasuć apadki ŭ vyhladzie śniehu. Tempieratura pavietra ŭnačy budzie vahacca ad -2°C da -7°C (pa ŭschodzie da -10°C).
Udzień u paniadziełak čakajecca ad -4°C da +2°C, a ŭ aŭtorak słupok termomietra moža padniacca navat da +6°C, što spravakuje tuman i hałalodzicu na darohach.
Niepasredna 31 śniežnia i ŭ pieršy dzień Novaha hoda nadvorje stanie bolš surovym.
Dniom u sieradu čakajecca ad -3°C da -8°C, budzie iści nievialiki śnieh. U navahodniuju noč tempieratura ŭpadzie da -4°C… -10°C, a pa ŭschodzie Biełarusi maroz moža dasiahnuć -14°C.
U druhoj pałovie tydnia i na vychadnych pachaładańnie ŭzmocnicca pad upłyvam cykłonu. U čaćvier i piatnicu dzionnaja tempieratura budzie trymacca ŭ miežach -8°C… -11°C, a supravadžać maroz budzie mocny paryvisty viecier.
Zavieršycca navahodni tydzień 3 i 4 studzienia pry jašče bolš nizkich hradusach: u načnyja hadziny pavietra moža być -14°C, a ŭdzień u subotu i niadzielu tempieratura budzie vahacca ad -5°C da -12°C.
Sinoptyki papiaredžvajuć: niahledziačy na pryhožy śnieh, kiroŭcam i piešachodam varta być vielmi aściarožnymi z-za hałalodzicy na darohach.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ21
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich21
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary