U Biełarusi prypynili dziejańnie licenzii vialikaha miedycynskaha centra
U Biełarusi prypyniŭ pracu miedycynski centr «Alfamied». Infarmacyja pra heta źjaviłasia na aficyjnym sajcie miedustanovy.
«Pavažanyja pacyjenty, infarmujem vas ab časovym prypynieńni licenzii na miedycynskija pasłuhi. Infarmacyja ab adnaŭleńni dziejnaści budzie raźmieščana na aficyjnym sajcie pradpryjemstva», — havorycca ŭ paviedamleńni.
Jak raspaviali Office Life u kantakt-centry MC «Alfamied», pakul terminy adnaŭleńnia pracy nieviadomyja. Adpaviedna, papiaredni zapis pacyjentaŭ taksama nie pravodzicca.
Pryčyny ŭ miedcentry nie paviedamlajuć.
Zvyčajna dziejańnie takich licenzij prypyniaje Ministerstva achovy zdaroŭja, tamu možna vykazać zdahadku, što pry praviercy miedustanovy ŭźnikli niejkija pytańni. Naprykład, u 2022‑m Ministerstva achovy zdaroŭja da likvidacyi parušeńniaŭ prypyniała dziejańnie licenzij u miedcentrach «Klinika A1» i «ŁODE». A ŭ 2023‑m viedamstva całkam adklikała licenziju ŭ miedcentra «Novy zrok».
Kamientary