Na Novy hod čakajecca mahnitnaja bura, mahčymyja navat palarnyja źziańni
U noč z 31 śniežnia na 1 studzienia čakajecca mahnitnaja bura ŭzroŭniu G1, paviedamlaje Łabaratoryja soniečnaj aktyŭnaści.
Raźliki pakazvajuć, što na navahodniuju noč prypadaje supadzieńnie adrazu dvuch faktaraŭ: uździejańnia ad nievialikaj karanalnaj dzirki, jakaja ciapier nazirajecca ŭ paŭnočnym paŭšarji Sonca, i prychodu da Ziamli kraju płaźmiennaha vobłaka, vykinutaha z Sonca ŭ vyniku sieryi ŭspyšak M-kłasa ŭ noč ź niadzieli na paniadziełak.
Taksama paćviardžajecca mahčymaść uźniknieńnia palarnych źziańniaŭ niepasredna ŭ pieršuju noč 2026 hoda. Najbolš spryjalnymi miescami dla nazirańnia niabiesnych śviečańniaŭ, jak i zaŭsiody, źjaŭlajucca paŭnočnyja terytoryi, a vierahodnaść ubačyć u niebie nie tolki fiejervierki, ale i kaśmičnyja ahni dla biełaruskich šyrot papiarednie aceńvajecca prykładna ŭ 20%.
Śpiecyjalisty adznačajuć, što aśvietlenaja štučnymi ahniami navahodniaja noč u cełym nie źjaŭlajecca samym spryjalnym fonam dla nazirańnia paŭnočnych źziańniaŭ, asabliva z ulikam davoli jarkaha Miesiaca, jaki raście i stvoryć u noč z 31 śniežnia na 1 studzienia dadatkovaje padśviatleńnie nieba.
Tamu ŭbačyć hetaje źjaŭleńnie ŭ takich umovach mohuć dapamahčy kamiery smartfonaŭ abo fotaaparaty, jakija majuć značna bolšuju adčuvalnaść u tych dyjapazonach, dzie znachodzicca vypramieńvańnie paŭnočnych źziańniaŭ, čym čałaviečaje voka, piša Onliner.by.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary