Vienhryja nie padtrymała kalektyŭnuju zajavu Jeŭrasajuza pa Vieniesuele, staŭšy adzinaj krainaj ES, jakaja zaniała takuju pazicyju.
Dakumient i śpis krain, jakija jaho padpisali, apublikavany na sajcie Jeŭrapiejskaj słužby źniešnich suviaziaŭ (EEAS).
U zajavie źmiaščajecca zaklik da mirnaha vyrašeńnia kryzisu i nieabchodnaści vykanańnia pravoŭ čałavieka:
«ES nahadvaje, što pry lubych abstavinach nieabchodna vykonvać pryncypy mižnarodnaha prava i Statut AAN. Členy Rady biaśpieki AAN niasuć asablivuju adkaznaść za zachavańnie hetych pryncypaŭ, vystupajučy aporaj mižnarodnaj architektury biaśpieki.
ES nieadnarazova zajavlaŭ, što Nikałas Madura nie maje lehitymnaści demakratyčna abranaha prezidenta, i vystupaŭ za mirny pierachod da demakratyi ŭ krainie pad kiraŭnictvam Vieniesueły z pavahaj da jaje suvierenitetu. Prava naroda Vieniesueły vyznačać svaju budučyniu pavinna pavažacca. […]
U toj ža čas ES padkreślivaje, što hetyja vykliki pavinny vyrašacca praz pastajannaje supracoŭnictva ŭ poŭnaj adpaviednaści ź mižnarodnym pravam i pryncypami terytaryjalnaj cełasnaści i suvierenitetu.
Pavaha da voli naroda Vieniesueły zastajecca adzinym šlacham dla adnaŭleńnia demakratyi i vyrašeńnia ciapierašniaha kryzisu ŭ Vieniesuele. U hety krytyčny momant nadzvyčaj važna, kab usie ŭdzielniki pracesu ŭ poŭnaj miery vykonvali pravy čałavieka i mižnarodnaje humanitarnaje prava. Usie palityčnyja źniavolenyja, jakija ŭ ciapierašni čas znachodziacca ŭ Vieniesuele, pavinny być biezumoŭna vyzvalenyja», — havorycca ŭ zajavie.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki4
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary