Biełaruś pastaviła ŭ Rasiju tak šmat małaka, što stolki i nie treba
Rasija ŭ cełym całkam zabiaśpiečanaja asnoŭnymi praduktami charčavańnia ŭłasnaj vytvorčaści, a na rynku małaka navat nazirajecca lišak — u tym liku dziakujučy pastaŭkam ź Biełarusi. Pra heta paviedamiła namieśnica staršyni kamiteta Dziarždumy pa ahrarnych pytańniach Julija Ahłoblina.
Pa słovach deputatki, pa klučavych napramkach charčovaj biaśpieki patreby Rasii zakrytyja: havorka idzie pra zbožža, słaniečnikavy alej, cukar i miasa. Razam z tym jana pakul nie dasiahaje zapłanavanych pakazčykaŭ samaabieśpiačeńnia pa harodninie, sadavinie, jahadach, a taksama pa małace i małočnych praduktach.
Adnak, jak adznačyła Julija Ahłoblina, dziakujučy supracoŭnictvu ź Biełaruśsiu prablem z małočnaj pradukcyjaj niama. Bolš za toje, zaraz nazirajecca jaje pieranasyčeńnie. Pradstaŭniki haliny, u tym liku z abjadnańnia «Sajuzmałako», paviedamlali, što ŭ krainie nazapasiłasia značnaja kolkaść małaka i małočnych praduktaŭ.
U toj ža čas, pa słovach, deputatki, Ministerstva sielskaj haspadarki Rasii imkniecca pazbavicca hetaj zaležnaści. Asnoŭnaja ŭvaha ciapier nadajecca rostu pradukcyjnaści dojnaha statka i raźvićciu bujnych industryjalnych małočnych kompleksaŭ. Małočnaja žyviołahadoŭla pry hetym maje pryjarytet u sistemie rasijskaj dziaržaŭnaj padtrymki i lhotnaha kredytavańnia.
«Paśla ŭskryćcia nie zachoŭvać». Ci aznačaje heta fraza na ŭpakoŭcy małaka, što jaho treba vypivać adrazu?
Biełaruś sioleta była topavym rynkam zbytu dla mnohich rasijskich praduktaŭ. Što ŭ śpisie?
U małace ad «Małočnaha śvietu» zaŭvažyli čorny asadak na dnie
Ad šakaładnaha syru da vohniennych burhieraŭ: jakija navinki źjavilisia ŭ Biełarusi
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Rynak mieńš, čym padajecca na papiery.
Z-za vajny jany ŭžo zabłytalisia, u jakich rehijonach skolki prypisali.