U Biełaruś zavieźli «Čaburašku 2». Pahladzieli hety rasijski chit, kab vam nie pryjšłosia
U kinateatrach aktyŭna pakazvajuć «Čaburašku 2». Stužka pra vušastaha supierhieroja ŭžo parvała rasijski prakat, a ciapier niabłaha źbiraje i ŭ Biełarusi. Niaŭžo atrymałasia tak cikava?
Kasmaty vušaścik Čaburaška naradziŭsia ŭ pracach savieckaha piśmieńnika Eduarda Uśpienskaha. Ale niekalki hadoŭ tamu i jaho, i inšych hierojaŭ sahi pra krakadziła Hienu napatkaŭ niezajzdrosny los.
U 2023‑m rasijskija kinošniki vypuścili stužku «Čaburaška». Abrali papularny farmat live-action, kali mulciašnych hierojaŭ pieranosiać u realny śviet z dapamohaj kampjutarnaj hrafiki. Pamiatajecie, naprykład, stužku «Liło i Ścič» 2025 hoda, dzie błakitny Ścič biehaŭ pa havajskich prastorach? Voś heta jakraz jano.
Stvaralniki novaha «Čaburaški» admiežavalisia ad aryhinalnych hierojaŭ Uśpienskaha i stvoranaha pa toj historyi multa ad «Sajuzmultfilma». Kazali, što hieroi Uśpienskaha ich tolki natchniali, što jany nie ekranizujuć apaviadańni Uśpienskaha, a vykarystoŭvajuć novyja napracoŭki.
Viadoma, jany chitravali. Čaburaška, krakadził Hiena, Šapaklak — usio heta bolš čym prosta hieroi z aryhinalnaha multa, heta vobrazy, jakija nielha adasobić ad pieršapačatkovaj historyi. I tamu lubyja sproby ich vykarystać u novym farmacie niepaźbiežna buduć źviazanyja sa sprobaj adnavić tyja ž ciopłyja emocyi, jakija vyklikaŭ aryhinalny mult.
U sučasnaj franšyzie Čaburaška — istota ź ispanskich apielsinavych płantacyj, jakuju ŭrahanam vynosić na ŭźbiarežža Čornaha mora. Tam žyvie i pracuje panury sadoŭnik Hiena, piersanaž nastolki burklivy, što časam ledź nie pieratvarajecca ŭ krakadziła.
U dom Hieny i prylataje Čaburaška. Mužčyna pryviazvajecca da žyvioły, vučyć jaje havaryć i pakidaje žyć u siabie, a na pytańni inšych ludziej adkazvaje, što ŭ jaho źjaviłasia biełaruskaja vušastaja aŭčarka. Jość u hetaj historyi jašče adzin znajomy hieroj — Ryma, kiraŭnica miascovaj šakaładnaj fabryki, jakaja vielmi lubić pryhožyja kapielušy. U jaje vobrazie stvaralniki franšyzy schavali vobraz staroj Šapaklak z savieckaha multa.
Dadamo, što pravobrazam aryhinalnaj Šapaklak była pieršaja žonka Eduarda Uśpienskaha, jakuju jakraz zvali Ryma.
«Čaburaška 2» pačynajecca praz hod paśla padziej pieršaj stužki, dzie Čaburaška i Hiena pasiabravali praz ahulnyja pryhody.
Ciapier Čaburaška hod žyvie ŭ Hieny, i, zdajecca, usio ŭ jaho dobra. Sam Hiena taksama nie skardzicca na žyćcio i navat čakaje ŭnuka.
Ale raptam u jahony dom prychodziać nieznajomcy i kažuć, što na miescy toj chaty musić być zbudavany zabaŭlalny park, tamu Hiena maje 24 hadziny na toje, kab sabrać rečy i pierabracca ŭ inšaje miesca. U adčai mužčyna idzie da Rymy. Vyśviatlajecca, što jakraz jaje šakaładnaja fabryka i buduje toj park, tamu Ryma zahadvaje, kab dom Hieny ŭsio ž zachavali, a zaadno biare Čaburašku na dzień naradžeńnia svajoj dački, jakaja prosta ŭ zachapleńni ad vušaścika.
Chepi-end? Zusim nie, bo z hetaha momantu ŭ filmie pačynajecca prosta nieapisalnaje varjactva. Dačka Rymy niezadavolena krucić nosam na śviacie — maŭlaŭ, usio nie tak. A potym vyrašaje razam ź inšymi dziećmi adpravicca ŭ samastojnyja pryhody. Historyja z domam akazvajecca zusim nie zakrytaj, i ŭsio heta pryvodzić Čaburašku i Hienu ŭ vialikuju niebiaśpieku.
Hety film nievynosna pavolny. Pavaroty siužeta vielmi pradkazalnyja i biaśpiečnyja, tamu nie čakajcie ad stužki niejkaj intryhi. Niejki saśpiens źjavicca tolki ŭ apošnija 20 chvilin stužki, ale situacyju jon nie vypravić — kino zastaniecca vielmi, vielmi nudnym.
I tym nie mienš na jaho pavalili hledačy. U Rasii film užo sabraŭ bolš za 20 miljonaŭ jeŭra, Biełaruś nie adstaje. Stužku pakazvajuć u šmatlikich biełaruskich kinateatrach, i najlepšyja miescy na pakazy raskuplivajuć zahadzia, chacia i nie tak aktyŭna, jak heta adbyvajecca ŭ Rasii. Vyhladaje, što na hetym stužka nie spynicca, bo jaje papiarednik, «Čaburaška», uvohule ŭvajšoŭ u top-20 samych kasavych stužak śvietu za 2023 hod.
Čamu film hladziać? Adkaz prosty — nastalhija i sproba chacia b na paŭtary hadziny ŭ kinazale apynucca ŭ minułym. Zarablać na nastalhii ŭ kino narmalna, toj ža Disney vypuskaje live-action rymiejki svaich kultavych multoŭ, i jany źbirajuć kasu. Ale rabić na nastalhii cełuju franšyzu — sumnieŭny krok i dla marali, i dla pierśpiektyvy, bo rana ci pozna pryjdziecca ŭsio ž skazać niešta novaje.
Stvaralniki franšyzy pra Čaburašku heta razumiejuć, i ŭ kancy stužki pakazali nievialički spojler. Na «Čaburašku 2» usio nie skončycca, i na Novy hod-2027 nam abiacajuć treciuju častku historyi, dzie pakažuć radzimu ŭsich čaburašak i, jak vyhladaje, kachanuju Čaburaški.
Dla navahodniaj stužki pad papkorn hetaha mo i chopić. Dla stužki, što zastaniecca ŭ pamiaci pakaleńniaŭ — dakładna nie.
«Naša Niva» — bastyjon biełaruščyny
PADTRYMAĆ
Kamientary