Rasijski suchahruz, jaki letaś zatanuŭ kala bierahoŭ Ispanii, moh vieźci detali atamnaha reaktara dla KNDR
Rasijski suchahruz «Ursa Major», jaki zatanuŭ letaś kala ŭźbiarežža Ispanii, moh pieravozić detali atamnaha reaktara, pryznačanyja dla Paŭnočnaj Karei. Pra heta piša ispanskaje vydańnie La Verdad sa spasyłkaj na materyjały śledstva.
U śniežni 2024 hoda sudna prachodziła praz Hibrałtarski praliŭ. 21 śniežnia ispanskija słužby marskoha vyratavańnia źviarnuli ŭvahu, što karabiel pačaŭ padazrona źmianiać kurs. Na nastupny dzień jon rezka adchiliŭsia ŭleva, źmienšyŭ chutkaść i pačaŭ drejfavać. 23 śniežnia pastupiŭ sihnał biedstva, paśla čaho da suchahruza nakiravali ratavalnikaŭ.
Na borcie vyśvietliłasia, što dva inžyniery źnikli bieź viestak, mašynnaje adździaleńnie było ščylna začynienaje, a 14 čałaviek ekipaža rychtavalisia pakinuć sudna. Paśla ich evakuacyi «Ursa Major» zatanuŭ. Kapitan paviedamiŭ, što karabiel nibyta pieravoziŭ 100 pustych kantejnieraŭ, dva vializnyja husieničnyja krany i dva bujnyja vuzły dla ledakoła, a kančatkovym punktam pryznačeńnia byŭ Uładzivastok.
Adnak, jak śćviardžajuć ispanskija śledčyja, «detali ledakoła» byli karpusami reaktaraŭ VM-4SH — atamnych ustanovak, jakija vykarystoŭvajucca na rasijskich padvodnych łodkach kłasa «Delfin» (pavodle kłasifikacyi NATA — Delta IV), uzbrojenych balistyčnymi rakietami. Vyznačyć heta ŭdałosia dziakujučy fotazdymkam z pavietra: reaktarnyja korpusy znachodzilisia prosta na pałubie i trapili ŭ kadr samalotaŭ-raźviedčykaŭ. Choć padobnaja infarmacyja zvyčajna zasakrečanaja, zdymki takich reaktaraŭ možna znajści ŭ adkrytych krynicach — u tym liku ŭ publikacyjach Minabarony Rasii za 2023 hod.
Śledstva miarkuje, što hruz nakiroŭvaŭsia ŭ Paŭnočnuju Kareju, jakaja niadaŭna spuściła na vadu svaju pieršuju padvodnuju łodku z balistyčnymi rakietami. Ekśpierty nie vyklučajuć, što Rasija mahła dapamahčy KNDR u raspracoŭcy reaktara abo navat pieradać hatovuju ŭstanoŭku.
Paśla katastrofy sam hruz ź miesca zatapleńnia źnik. Praź niekalki dzion tudy prybyło rasijskaje sudna «Jantar», zdolnaje vykonvać hłybakavodnyja apieracyi. Pavodle źviestak analitykaŭ, jano mahło zajmacca padjomam abo źniščeńniem reštkaŭ niebiaśpiečnych kampanientaŭ.
Suchahruz «Ursa Major» zatanuŭ 23 śniežnia 2024 hoda. Jon naležaŭ kampanii «Abaronłahistyka», jakaja ŭvachodzić u strukturu Minabarony Rasii, i vykarystoŭvaŭsia jak sudna zabieśpiačeńnia. Raniej ekśpierty mierkavali, što karabiel išoŭ u Siryju, adkul u toj čas rasijskija vojski evakujavalisia na fonie źmieny ŭłady ŭ krainie.
Uładalnik rasijskaha sudna, jakoje išło ŭ Siryju i zatanuła, zajaviŭ, što heta terakt
U Mižziemnym mory zatanuła rasijskaje sudna, jakoje išło ŭ Siryju
Rasijskich vajskoŭcaŭ padazrajuć u vykarystańni zatanułaha paroma «Estonija» dla špijanažu i adpracoŭki padvodnych apieracyj
U KNDR z druhoj sproby ŭsio ž spuścili na vadu skandalny vajskovy karabiel
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku19
Kamientary
u rf jesť boleje očievidnyje maršruty dla etoho čieriez SMP. ili chotiaby s Vładika.