Vadanosava: Vyrašyć biurakratyčnuju prablemu, źviazanuju z apłataj strachoŭki maci, nie ŭdałosia
Kaciaryna Vadanosava raskazała, što ŭ jaje mamy Neli pačałasia ahonija.
«Zaraz u majoj mamy ahonija. Užo admovili nyrki. Kanvulsii. Ja była ź joj stolki, kolki dazvolili. Mianie adpravili dadomu. Tam nielha być unočy.
Zaraz lik na hadziny. Maksimum, sutki. Siońnia [u paniadziełak] ja šmat płakała, i doma taksama nie zmahła strymacca.
Skazała narešcie Janu [synu], što nas čakaje. Vielmi bajałasia, jak jon heta ŭsprymie. Jon pakul bolš-mienš trymajecca. Ź pieramiennym pośpiecham. Stefa ad pačatku ŭ kursie. Jana trymajecca taksama. Vasil ŭ druhoj pałovie dnia źmianiŭ mianie na telefonie, vyrašaŭ pytańni sa strachoŭkaj.
Ničoha nie atrymałasia. Heta biurakratyčnaja pastka. Budziem zmahacca jašče, kaniešnie. Postfaktum. Postmortem. Dziakuj vialiki ŭsim, chto dapamoh.
Zbor sabrany, ale nie zakryty. Ja ŭsio jašče nie viedaju sumu rachunka, jaki mnie vystaviać. Daviedajusia, skažu», — napisała ŭčora viečaram u fejsbuku Kaciaryna.
23 śniežnia ŭ mamy Kaciaryny ŭ Varšavie zdaryŭsia insult. Daktary apieratyŭna pryjechali, advieźli ŭ balnicu, praviali apieracyju, adnak vyśvietliłasia, što Upraŭleńnie pa spravach inšaziemcaŭ nie ŭniesła pažyłuju žančynu ŭ bazu zastrachavanych, a na vialikich vychodnych spraŭdzić hetu akaličnaść było niemahčyma.
Kaciaryna tady vykazała zaściarohu, što rachunak za apieracyju i inšyja miedycynskija manipulacyi moža skłaści ad dziasiatkaŭ da sotniaŭ tysiač złotych.
Paśla taho, jak Vadanosava napisała hety post, na sajcie «Bajsoła» źjaviłasia infarmacyja pra dabračynny zbor na €15 000, jaki za dvoje z pałovaj sutak byŭ sabrany.
U niadzielu Kaciaryna pisała, što budzie zajmacca biurakratyčnymi pytańniami. «Taksama mušu vybić lekarskaje zaśviedčańnie, kab pieradać jaho advakatcy, jakaja pajedzie spačatku ŭ sud, potym va Ŭžond pa spravach uciekačoŭ (spadziajusia). Ja ŭ hety čas, kali nas jašče nie napatkaje śmierć, pajedu ŭ Akno na Ŭschod— arhanizacyju, jakaja dapamahaje emihrantam. Pasprabuju ź ich dapamohaj damahčysia adkazu na pytańnie, čamu maci nie vyznačanaja ŭ Pietramiedycy jak zastrachavanaja asoba, i jak heta źmianić, bo pa zakonie jana musić być zabiaśpiečanaja. Dzieści na šlachu biurakratyčnaja mašyna zabuksavała, što ŭ tym liku pryviało da toj kropki, dzie my zaraz znachodzimsia», — pisała jana.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»23
Kamientary
heta Polšča, Dzietka.
nie pieradać, jak mnie škada Kaciarynu i jejnuju maci
Kaciaryna, mocy Vam
PS/ samoje hrustnoje, čto vsie raschody na sodieržanija ( v tom čiśle i opłata miedicinskoj strachovki)Prositiela mieždunarodnoj zaŝity ot momienta podači Zajavlenija do vstuplenija v siłu piervoho połožitielnoho riešienija o priedostavlenii kakoj-to Zaŝity NIESIOT ES, a miestnomu Užondu nužno tolko podsujetiťsia.