Alaksandr Łukašenka padpisaŭ zakon «Ab uniasieńni źmien u zakony ab pytańniach padatkovych pravaadnosin». Pra heta paviedamili ŭ pres-słužbie palityka.
Adznačajecca, što papraŭki ŭ Padatkovy kodeks, jakija buduć dziejničać u 2026 hodzie, nie nosiać radykalnaha charaktaru. Jany nakiravanyja na kropkavuju dapracoŭku padatkovaj sistemy z metaj zrabić jaje bolš spraviadlivaj. Pry hetym dla bolšaści hramadzian i arhanizacyj faktyčnaja padatkovaja nahruzka zastajecca bieź źmien.
Dla fizičnych asob pašyrajecca prahresiŭnaja škała padachodnaha padatku. Bazavaja staŭka 13% zachavajecca dla bolš jak 98% ludziej, jakija pracujuć. Pavyšanyja staŭki — 25% (jakaja dziejničaje z 2025 hoda) i 30% — buduć prymianiacca tolki da vielmi vysokich dachodaŭ. Pry hetym paroh, paśla jakoha ŭklučajecca staŭka 25%, pavialičany z 220 da 350 tysiač rubloŭ na hod. Dla dyvidendaŭ praciahvaje dziejničać asobnaja škała — 13% i 25%.
Taksama ŭvodziacca padvyšanyja kaeficyjenty padatku na nieruchomaść dla vialikich damoŭ i kvater, a taksama pavialičvajecca padatak na mahutnyja matacykły premijum-kłasa.
Dla arhanizacyj praduhledžanaja admiena niekatorych nieefiektyŭnych ilhot, vyraŭnoŭvańnie stavak u hulniavoj śfiery i karekcyja padatkovych stavak dla asobnych katehoryj płacielščykaŭ. Na šerah sacyjalna značnych tavaraŭ źnižajecca padatak na dadadzienuju vartaść.
Staŭki akcyz i niekatorych inšych padatkaŭ u asnoŭnym buduć praindeksavanyja z ulikam uzroŭniu inflacyi.
Kamientary