Prefierencyi dla mikrapradpryjemstvaŭ raspaŭsiudzili na arhanizacyi z kolkaściu supracoŭnikaŭ da 50 čałaviek
Alaksandr Łukašenka padpisaŭ zakon «Ab uniasieńni źmien u zakony ab pytańniach indyvidualnaj pradprymalnickaj dziejnaści», jakim unosiacca papraŭki ŭ 26 zakonaŭ, u tym liku try kodeksy.
Jak paviedamlaje pres-słužba Łukašenki, dakumient udakładniaje, kamu mienavita adrasavanyja peŭnyja pravavyja normy: usim hramadzianam, tolki asobam, jakija nie zajmajucca pradprymalnictvam, abo vyklučna hramadzianam-pradprymalnikam.
Taksama z šerahu normaŭ, što rehulujuć vidy dziejnaści pa-za ŭstalavanym pieralikam, vyklučajecca zhadvańnie indyvidualnych pradprymalnikaŭ.
Akramia taho, prefierencyi, jakija raniej praduhledžvalisia vyklučna dla mikrapradpryjemstvaŭ, ciapier buduć dziejničać i dla arhanizacyj sa štatam da 50 rabotnikaŭ.
U zakon uklučyli i dadatkovyja źmieny, nie źviazanyja niepasredna z refarmavańniem pradprymalnickaj dziejnaści, kab zabiaśpiečyć sistemnaść i kompleksnaść pravavoha rehulavańnia.
Kamientary