U Tajłandzie ŭpieršyniu za amal 30 hadoŭ znoŭ pabačyli sumatranskaha kata. A ŭžo i nie spadziavalisia
Upieršyniu za amal 30 hadoŭ u tajskich lasach zafiksavali źjaŭleńnie sumatranskaha kata — redkaj dzikaj žyvioły, što znachodzicca na miažy źniknieńnia. Pryčym havorka idzie nie pra adzinkavy vypadak, a pra najaŭnaść cełaj nievialikaj papulacyi.
Apošni paćvierdžany kantakt z hetym katom, jaki pamieram padobny da chatniaha, a charčujecca pieravažna rybaj, datavany 1995 hodam i adbyŭsia kala miažy Tajłanda i Małajzii. Da 2014 hoda, nie majučy novych śviedčańniaŭ, ułady krainy surjozna dumali, što hety vid u Tajłandzie całkam źnik.
Jak paviedamlaje vydańnie Mongabay, sustaršynia Hrupy śpiecyjalistaŭ pa kacinych Mižnarodnaha sajuza achovy pryrody Urs Brajtenmozer niadaŭna zajaviŭ, što paśla amal troch dziesiacihodździaŭ adsutnaści ślady sumatranskaha kata ŭnajšli ŭ lasach zapaviednika dzikaj pryrody imia pryncesy Siryndchorn.
Asablivuju kaštoŭnaść znachodcy nadało toje, što daśledčyki zafiksavali taksama kaciania. Heta śviedčyć, što ŭ rehijonie isnuje nie prosta niekalki asobin, a žyvioły, jakija paśpiachova razmnažajucca. Viadoma, što samka sumatranskaha kata zvyčajna naradžaje tolki adno kaciania, tamu taki fakt ličycca vielmi značnym.
Hetyja katy viadomyja svajoj vyklučnaj utojlivaściu. Jany nasialajuć bałotnyja lasy, jakija ciažkadastupnyja dla čałavieka z-za składanych pryrodnych umoŭ. Mienavita tamu vid doŭhi čas zastavaŭsia niezaŭvažanym.
U minułym hodzie arhanizacyja Panthera razam z Departamientam nacyjanalnych parkaŭ Tajłanda pačała ekałahičnaje daśledavańnie na poŭdni krainy. Navukoŭcam daviałosia prałazić praź niebiaśpiečnyja tarfianyja bałoty z vadoj da hrudziej i hustyja manhravyja zaraśniki, kab pastavić fotapastki.
U vyniku ŭ 2024 hodzie kamiery zafiksavali 13 vypadkaŭ źjaŭleńnia sumatranskaha kata, a ŭ 2025 hodzie — jašče 16. Raniej daśledavańni abmiažoŭvalisia ŭskrainami lesu, a novyja źviestki dajuć padstavy mierkavać, što ŭ hłybini lasnych masivaŭ moža žyć značna bolš žyvioł, čym ličyłasia raniej.
Navukoŭcy nazyvajuć hetaje adkryćcio abnadziejlivym i važnym krokam u spravie zachavańnia adnaho z samych redkich vidaŭ dzikich katoŭ u śviecie.
U Vialikabrytanii zabaroniać varyć žyŭcom krabaŭ i łobstaraŭ
U Aŭstralii kiroŭca aŭtobusa ŭratavaŭ kaału, jakaja pierabiahała darohu
Šviedski muzyka navučyŭ hrać na pijanina vaśminoha
«Aaaaa! Pajšoŭ na ch#r!» Biełarus u Brazilii sustreŭsia ź jahuaram i staŭ miascovaj zorkaj
Pjany janot učyniŭ načny deboš u kramie, a paśla zasnuŭ u prybiralni
Kamientary