Mužčyna jechaŭ ź Litvy dadomu jak pasažyr aŭtobusa. Ciapier jamu pahražaje kryminałka.
Litoŭskija pamiežniki ŭ punkcie propusku «Miedniki» zatrymali 40‑hadovaha hramadzianina Biełarusi. Mužčyna jechaŭ na maršrutnym aŭtobusie Kaŭnas — Minsk.
Pamiežniki pry praviercy dakumientaŭ paprasili jaho dadatkova pakazać paśviedčańnie kiroŭcy. Mužčyna zajaviŭ, što takoha dakumienta nie maje. Adnak pry pahłyblenym prahladzie rečaŭ pamiežniki znajšli paśviedčańnie, vydadzienaje na jaho imia.
Akazałasia, što dakumient źjaŭlajecca padrobkaj: usie rekvizity byli nadrukavany na zvyčajnym pryntary, a UF-achova i mikratekst — prosta imitavanyja.
Biełarus pryznaŭsia, što nabyŭ paśviedčańnie za 300 jeŭra paśla taho, jak na radzimie jaho pazbavili prava kiravańnia aŭtamabilem na 5 hadoŭ.
Za vyrab i vykarystańnie padroblenych dakumientaŭ pačata dasudovaje rasśledavańnie. Ciapier mužčyna znachodzicca ŭ izalatary časovaha ŭtrymańnia ŭ Litvie. Jamu pahražaje kryminalnaja adkaznaść pavodle litoŭskaha zakanadaŭstva.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
chto im pra heta skazaŭ i jakaja padstava jaho praviarać?
[Zredahavana]